મીઠાપુરના દરિયાઈ વિસ્તારમાં દિપડાએ દેખા દીધી

પગના નિશાન જોવા મળ્યાઃ ગાયોનું મારણ કર્યાની ચર્ચા

મીઠાપુર, તા. ૧૪ :. મીઠાપુરના દરિયાઈ વિસ્તારમાં દીપડાએ દેખા દેતા દોડધામ મચી ગઈ છે. ગાયોના મારણ કરાયાનું પણ ચર્ચાઈ રહ્યુ છે. દીપડાના પગના નિશાનો દેખાતા ટાટા કેમિકલ્સ દ્વારા નોટીસ લગાડીને લોકોને સાવચેત કરાયા છે.

ઓખા મંડળના મીઠાપુર ગામે દરીયા કિનારે ફરીથી દીપડો હોવાના અહેવાલો મળ્યા છે.

તેથી ટાટા કંપની દ્વારા ફોરેસ્ટ વિભાગના અધિકારીઓ દ્વારા તપાસ કરાવવામાં આવી હતી. આશરે ૩ મહિના પહેલા પણ આવા અવશેષો મળ્યા હતા.

તેથી કંપની દ્વારા સલામતીના ભાગરૂપે જાહેર જનતાને ધ્યાન રાખવા વિનંતી કરી હતી.(૨-૪)