ભાણવડ તાલુકાનું ગૌરવ

 ભાણવડઃ તાલુકાના શિવા ગામની પ્રાથમિક શાળાના આચાર્ય વિમલભાઇ નકુમની રાજયના શ્રેષ્ઠ શિક્ષકોમાં પસંદગી કરવામાં આવી છે શિક્ષકદિન નિમિતે રાજયપાલના હસ્તે મુખ્યમંત્રી અને શિક્ષણમંત્રીની હાજરીમાં સન્માન કરવામાં આવ્યું હતું.  રાજયભરના કુલ ૩ર શિક્ષકો શ્રેષ્ઠ શિક્ષક તરીકે પસંદગી પામ્યા હતા. જેમાં શિવા પ્રાથમિક શાળાના આચાર્યનો પણ સમાવેશ થતાં ભાણવડ તાલુકાનું નામ રોશન કરેલ છે. આ તકે ઉલ્લેખનિય છે કે વિમલભાઇ નકુમ ગત વર્ષે પુ.ભાઇજીના હસ્તે સાંદિપની એવોર્ડ તથા આ વર્ષે પુ.મોરારીબાપુના હસ્તે ચિત્રકુટ એવોર્ડ પ્રાપ્ત કરી ચુકયા છે. તે પ્રસંગની તસ્વીર.