ગોંડલના ઘોઘાવદર ચોકમાં પદયાત્રીને છરી બતાવી ઓટો રીક્ષા માં આવેલ બે શખ્સોએ મોબાઇલની લૂંટ ચલાવી
પદયાત્રીઓ જામજોધપુર થી પગપાળા ચાલી મોટા દડવા રાંદલ માતાજીના મંદિરે જઈ રહ્યા હતા
ગોંડલ: ગોંડલના ઘોઘાવદર ચોકમાં હનુમાનજીના મંદિરે આરામ કરવા રોકાયેલા પદયાત્રીઓને ઓટો રીક્ષા માં ધસી આવેલા બે શખ્સોએ છરી બતાવી મોબાઈલની લૂંટ ચલાવી નાસી જતાં પોલીસ ફરિયાદ નોંધાવા પામી હતી
જામજોધપુર તાલુકાના જીણાવારી ગામે રહેતા અને ખેત મજૂરી કામ કરતા જયદીપભાઈ દેવાભાઈ કદાવલા તેના કાકા ભીખાભાઈ એભાભાઈ કદાવલા અને બનેવી જયમલભાઈ વજસીભાઈ કારેણા મોટા દડવા ગામે રાંદલ માતાજીના મંદિરે માનતા પૂરી કરવા પગપાળા જઇ રહ્યા હતા ત્યારે પરોઢિયે ઘોઘાવદર ચોકમાં હનુમાનજીના મંદિર પાસે થોડી વાર રોકાયા હતા ત્યાં જ GJ 06 V V 2528 નંબરની ઓટો રિક્ષામાં બે શખ્સો ધસી આવ્યા હતા અને છરી બતાવી મોબાઈલની લૂંટ કરી નાસી જતાં પોલીસ ફરિયાદ નોંધાવતા પોલીસે આઈપીસી કલમ 379 114 gpa 135 મુજબ ગુનો નોંધી કાર્યવાહી હાથ ધરી હતી.