પોરબંદરમાં મધદરિયામાં જલરાક નામની ટ્રગબોટનું એન્જિન ફેલ : રેસ્ક્યુ ઓપરેશન કરીને સાત ખલાસીઓને બચાવાયા

પોરબંદર નજીક મધદરિયે જલરાક નામની ટ્રગબોટનું એન્જિન ફેલ થયું હતું. જેમાં સવાર સાત ખલાસીઓને રેસ્કયૂ ઓપરેશન હાથ ધરી બચાવી લેવામાં આવ્યા હતા.

  આ અંગે જાણવા મળતી વિગત મુજબ બુધવારની રાત્રિના સમયે પોરબંદર પાસેના અરબી સમુદ્રમાં મધદરિયે ટ્રગ બોટનું એન્જિન ફેલ થયું હતું. જેથી તેમાં રહેલા 7 ખલાસીઓના જીવ તાળવે ચોંટ્યા હતા.

  આ અંગે કોસ્ટગાર્ડને જાણ થતા તેઓએ શૂર નામના ફાઈટર શિપને મદદ માટે મોકલ્યું હતું. પરંતુ દરિયામાં ઉંચી લહેરોની સાથે સાથે વાતાવરણ પણ ખરાબ હોવાથી શીપ દ્વારા ખલાસીઓને મદદ થઈ શકી નહોતી.