વાંકાનેર ગુંદાખડામાં અશોક શાપરાએ ગળાફાંસો ખાધોઃ રાજકોટ સારવારમાં

પત્નિ સાથે નજીવી વાતે ચડભડ થતાં પગલુ ભર્યાની શકયતા

રાજકોટ તા. ૧૩: વાંકાનેરના ગુંદાખડા ગામે રહેતાં અશોક વાલજીભાઇ શાપરા (ઉ.૨૮) નામના કોળી યુવાને પોતાની વાડીએ ઝાડમાં ગળાફાંસો ખાઇ લેતાં તેના પરિવારજનો આવી જતાં નીચે ઉતારી બેભાન હાલતમાં મોરબી હોસ્પિટલમાં અને ત્યાંથી રાજકોટ સિવિલ હોસ્પિટલમાં ખસેડાયો છે. રસિક બે ભાઇ અને એક બહેનમાં વચેટ છે તથા કડીયા કામની મજૂરી કરે છે. પતિ-પત્નિ વચ્ચે કોઇ કારણોસર ચડભડ થતાં અશોક સાંજે વાડીએ આટો મારવા જવાનું કહીને નીકળી ગયો હતો. મોડે સુધી ન આવતાં પરિવારજનો પહોંચતા તેણે ફાંસો ખાઇ લીધાની ખબર પડી હતી. હાલ તે સારવાર હેઠળ છે.