ગઢડાનાં પોલીસ કોન્સ્ટેબલ પ્રકાશ કુકડીયા ર૦ હજારની લાંચ લેતા ઝડપાયો

ભાવનગર તા. ૧૩ :.. બોટાદ જીલ્લાનાં ગઢડાનો પોલીસ કોન્સ્ટેબલ રૂ. ર૦ હજારની લાંચ લેતા ઝડપાતા ચકચાર જાગી છે.પ્રાપ્ત માહિતિ મુજબ રાણપુર તાલુકાનાં એક કેસમાં મહિલાની ધરપકડ ન કરવા માટે ગઢડામાં પોલીસ કોન્સ્ટેબલ તરીકે ફરજ બજાવતા પ્રકાશ કુકડીયાએ રૂ. ર૦ હજારની લાંચ માંગી હતી.જે અંગે રાજકોટ એસીબી ટીમને જાણ કરવામાં આવતા એસીબી ટીમે રંગે હાથ ઝડપી લીધો હતો. ગઢડાના પીએસઆઇની પણ આ પ્રકરણમાં તપાસ હાથ ધરવામાં આવી હોવાનું ચર્ચાય છે.રાજકોટ એસીબી ટીમે તપાસ હાથ ધરી છે.