જામનગરમાં ડુપ્લીકેટ પોલીસ બનીને લોકો પાસેથી રકમ પડાવતો સુરેશ હાલોડીયા ઝડપાયોઃ ૮ હજારની રોકડ જપ્ત

જામનગરઃ જામનગરમાં નકલી પોલીસ બનીને લોકો પાસેથી પૈસા પડાવનાર શખ્‍સની પોલીસે ધરપકડ કરીને તેની પાસેથી ૮ હજારની રોકડ જપ્‍ત કરી છે.

જામનગર સીટી સી ડીવીઝન પોલીસ મથકની હદમાં એક ઇસમ નકલી પોલીસ બની ફરિયાદી પાસેથી રોકડ રકમની લૂંટ ચલાવી હોય જે અંગેની ફરિયાદ બાદ પોલીસની ટીમ હરકતમાં આવી હતી અને આરોપીને ઝડપી લેવા સઘન પેટ્રોલિંગ કરી તેમજ બાતમીદારોને એલર્ટ કરવામાં આવ્યા હતા. જેમાં ખાનગી રાહે મળેલી બાતમીને આધારે આજે શંકાસ્પદ ઇસમ એકટીવા પર નીકળ્યો હોય જે આરોપી સુરેશ ઉર્ફે સુયો ગોરધનભાઈ ભાલોડીયા પટેલ (ઉ.વ.૪૭) રહે. પ્રગતિપાક જામનગર વાળાને પકડી લઈને તેની પાસેથી એકટીવા અને ૮૦૦૦ રોકડ રકમ મળી આવતા કબજે કરવામાં આવી છે અને બે વ્યક્તિઓ પાસેથી નકલી પોલીસ બનીને આ શખ્શે લૂંટ ચલાવી હોય જે મુદામાલ રીકવર કરવામાં આવ્યો છે અને પોલીસે વધુ તપાસ ચલાવી છે.