News of Tuesday, 13th February 2018
મુંદરાના દલિત યુવાને ભુજ એસપી કચેરી સામે પેટ્રોલ પી લેતા ચકચાર
હુમલાની ફરીયાદમાં પોલીસે દાદ ન આપતા નારાજ યુવાને પેટ્રોલ પીધુઃ મુંદરા પોલીસ કહે છે ફરીયાદીનો પબ્લીસીટી સ્ટન્ટ
ભુજ, તા. ૧૩ : મુંદરાના બારોઇ રોડ ઉપર રહેતા જયેશ કરશન કાતરીયા (આહીર) એ ભુજની ડીએસપી કચેરીમાં પેટ્રોલ પી લેતા દોડધામ મચી ગઇ હતી.
સારવાર માટે દાખલ કરાયેલા જયેશ કાતરીયાએ આક્ષેપ કર્યો હતો કે તેના ઉપર મુંદરાના શકિતસિંહ રાઠોડ અને તેના સાગરીતોએ હુમલો કરી માર મારતા તેણે પોલીસને જાણ કર્યા છતાં'યે પોલીસ આવી નહીં, મોડી આવી અને ઉલ્ટો તેને જ ધમકાવ્યો.
પોલીસથી નારાજ જયેશે ભુજની ડીએસપી કચેરીમાં પટ્રોલ પી લીધુ હતું. આ ઘટના બાદ દોડતી થયેલ મુંદરા પોલીસે ખુલાસો કર્યો હતો કે ફરીયાદી જયેશ વિરૂદ્ધ અંજાર -ગાંધીધામમાં ગુનાઓ નોંધાઇ ચૂકયા છે અને પોલીસે તેની કાર્યવાહી બરાબર કરી છે. પેટ્રોલ પીવાની વાત એ પબ્લીસીટી સ્ટન્ટ છે.
(11:44 am IST)