જુનાગઢ પરિક્રમામાં લાલ સ્વામી આશ્રમ ખાતે અન્નક્ષેત્રમાં હજારો શ્રધ્ધાળુઓએ પ્રસાદ લીધો

હરીગીરીબાપુ સતત ખડેપગેઃ દેશ-વિદેશના યાત્રિકો ઉમટયા

જુનાગઢ તા. ૧ર :.. ગરવા ગિરનારની ગોદમાં ભવનાથ તળેટી ખાતે પરિક્રમાના પ્રવેશ દ્વાર સમા શ્રી લાલસ્વામી આશ્રમ ખાતે પરિક્રમા દરમ્યાન હજારો શ્રધ્ધાળુઓએ પ્રસાદનો લાભ લીધો હતો. આશ્રમના મહંત પુ. હરીગીરીબાપુએ જણાવ્યું હતું કે છેલ્લા ૪ દાયકા થી લીલી પરિક્રમા અને મહાશિવરાત્રીમાં અમો સતત પાંચ દિવસ અવિતરત અન્નક્ષેત્ર શરૂ કરીએ છીએ જેમાં ભાવિકોને ગુંદી ગાંઠીયા, મોહનથાળ, બાજરાનો રોટલો રીંગાણાનો ઓળો, દાળ-ભાત-કઢી-ખીચડી ભાવથી પિરસાય છે અને આ અન્ન ક્ષેત્રમાં દેશ-વિદેશના ભાવિકો એક પંગતમાં બેસી પ્રસાદ લે છે આ વખતે પણ પરિક્રમાનો વિધીત્વ પ્રારંભ થાય તેના બે દિવસ અગાઉ અન્નક્ષેત્ર શરૂ કરાયુ હતું. જેમાં અસંખ્ય શ્રધ્ધાળુઓએ પ્રસાદ લીધો હતો. અને પૂ. હરીગીરીબાપુના માર્ગદર્શન હેઠળ પ્રવિણગીરીબાપુ સહિતના જહેમત ઉઠાવી હતી.