હળવદમાં મોડલ સ્કૂલ પાછળ અવાવરૂ જગ્યાએ પૌઢનો મૃતદેહ મળતા ચકચાર
મૃતક હળવદના રહેવાસી તુલશીભાઈ ડાયાભાઈ સોલંકી હોવાનું ખુલ્યું
હળવદ શહેરમાં આવેલ મોડલ સ્કુલ પાછળ બપોરના સુમારે અવાવરૂ જગ્યાએ પૌઢનો મૃતદેહ મળી આવ્યાની જાણ કરાઈ હતી અને બનાવની જાણ થતા હળવદ પોલીસ તુરંત દોડી ગઈ હતી અને મૃતદેહને પીએમ અર્થે હોસ્પિટલ ખસેડી વધુ તપાસ ચલાવી છે
પ્રાથમિક તપાસમાં મૃતક હળવદના રહેવાસી તુલશીભાઈ ડાયાભાઈ સોલંકી હોવાનું જાણવા મળ્યું છે જેથી પોલીસ દ્વારા પરિવારજનોને જાણ કરી મૃતદેહને પીએમ અર્થે ખસેડાયો છે અને પીએમ રીપોર્ટ આવ્યા બાદ મોતનું સાચું કારણ જાણી શકાશે
હળવદમાં તાજેતરમાં ખેતરમાં દાટેલો મૃતદેહ મળી આવ્યા બાદ હત્યા થઇ હોવાનો ખુલાસો થયો હતો અને હત્યાના ગુન્હાનો ભેદ પોલીસે હજુ ઉકેલ્યો છે ત્યાં ફરીથી મૃતદેહ મળી આવતા સમગ્ર પંથકમાં ચકચાર મચી છે અને પૌઢની હત્યા થઇ છે કે પછી કુદરતી મોત છે તે દિશામાં પોલીસે તપાસના ચક્રો ગતિમાન કર્યા છે