ગેલેકસી ગ્રુપ (રાજકોટ) દ્વારા મોટીપાનેલીમાં બે ઓટોમેટીક ઓકિસજન મશીન અર્પણ
મોટીપાનેલી તા.૧૧ : મોટી પાનેલીમાં વધતા જતા કોરોનાં કહેર અને કોરોનાંથી થતા મૃત્યુને લઈને પ્રજામાં ભારે ભય છવાયેલો છે અત્યાર સુધી પાંચસો ઉપર જેટલાં કોરોનાં કેસ આવી ચુકયા છે જેમાં ગંભીર દર્દીઓ ને શહેરની હોસ્પિટલમાં દાખલ કરવા માટે ભારે હાલાકી ભોગવવી પડી રહી હોય કયાય બેડ ખાલી ના હોવાને લીધે દર્દીઓ ના સ્વજનો જયાં ત્યાં ભટકતા નજરે પડતા હોય છે.
ગરીબ કે માધ્યમ વર્ગના લોકો તો મહામારી સામે રામભરોસે હોય તેવું લાગતું હતું તંત્ર તરફથી કોઈ સુવિધા ગંભીર દર્દીઓ ને ઉપલબ્ધ ના થતી હોય ગામ આગેવાનો સ્થાનિક સંસ્થાઓ તેમજ વતનપ્રેમી દાતાઓ આગળ આવી ગંભીર પરિસ્થિતિ ને પહોંચી વળવા બનતી કોશિશ અને મહેનત કરી રહ્યા હોય ત્યારેજ મોટી પાનેલીના મૂળ વતની એવા ભાલોડીયા પરિવાર ગેલેકસી ગ્રુપ રાજકોટ તરફથી ખરા સમયે વતનની વહારે સૂત્ર ને સાબિત કરી મોટી પાનેલીને બે ઓટોમેટિક ઓકિસજનમશીન અર્પણ કરેલ છે સાથેજ ગેલેકસી ગ્રુપ તરફથી કોરોનાં પેસન્ટ ને આરોગ્ય વર્ધક ફ્રુટકીટ પણ અપાઈ રહી છે.જે તમામ કામગીરી મોટી પાનેલી દૂધમંડળી મારફત અશોકભાઈ પાંચાણી બાલુભાઈ વિંઝુડા મહેન્દ્રભાઈ ભાલોડીયા વિમલભાઈ વાધરીયા દ્વારા થઇ રહી હોય કોરોનાં પેસન્ટ ને મોટી રાહત મળી છે આવા વતનપ્રેમી દાતાઓ નો પાનેલીની જનતા ખુબ ખુબ આભાર વ્યકત કરી ધન્યવાદ અર્પિત કરી રહી છે.