ઉનાના ગાંગડા ગામે વીજ કર્મચારીને કમરના પટ્ટા વડે મારીને ફરજમાં રૂકાવટ

ઉના તા.૧૧, તાલુકાના ગાંગડા ગામે પી.જી.વી.સી.એલમાં નોકરી કરતાં કર્મચારીને બે ગાગંડાગામના લોકોએ કમર પટાવતી મારમારી ફરજમાં રૂકાવટ કર્યાની પોલીસ ફરીયાદ નોંધવી છે.

પી.જી.વી.સી.એલમાં નોકરી કરતા વિજયભાઇ બાબુભાઇ ચૌહાણ રે-ઉનાવાળા તેમની ફરજ ઉપર ગાંગડા ગામની સીમમાં હતા ત્યારે ગાંગડાગામ ના બાબુભાઇ કાળુભાઇ ગોહીલ, મનીષભાઇ રાણાભાઇ ગોહીલ આવી કેમ વિજ્ઞાનપ્રવાહ નિયમીત આપતા નથી તેમ કહી ગાળો બોલી કમરમાં બાંધેલ ચામડાના પટ્ટા વતી માર મારી ઢીકા પાટુનો માર મારી એક બીજાની મદદગારી કરી નાસી ગયાની ઉના પોલીસ સ્ટેશનમાં ફરીયાદ નોંધાવતા પોલીસે ગુનો નોંધી તપાસ શરૂ કરી છે.