જામનગરના ગુલાબનગરમાં પતંગ ઉડાડતા શોક લાગતા બાળકનું મોત

જામનગર, તા. ૧૦ : સિંધી કોલોની શિવનગર, ગુલાબનગર, જામનગરમાં રહેતા દેવેન્દ્ર મગનભાઇ કબીરા એ સીટી બી-ડિવિીઝન પોલીસ સ્ટેશનમાં જાહેર કરેલ છે કે ધાર્મિક દેવેન્દ્રભાઇ કબીરા ઉ.વ.૯ પોતાના ઘરે છત પર પતંગ ઉડાવતા વિજળીના તાર ખડી જતા શોક લાગતા બેભાજ થઇ જતા સારવારમાં લાવતા મરણ ગયેલ જાહેર કરેલ છે.

દુકાનમાંથી મોબાઇલ ચોરાયો

સીટી-એ ડિવીઝન પોલીસ સ્ટેશનમાં ભરતકુમાર નરોમતદાસ શાહએ ફરીયાદ નોંધાવી છે કે રણજીત રોડ, ધી મોર્ડન મેડીકલ સ્ટોર ખાતે કોઇ અજાણ્યો ચોર ઇસમ જેને શરીરે બ્લ્યુ કલરનો શર્ટ પહેરેલ તે ફરીયાદીની દુકાન ખાતે કાઉન્ટર ઉપર રાખેલ મોબાઇલ ફોન વી.વી. કંપનીના ઝેડ-૧ પ્રો. મોડલ નો જેનો આઇ.એમ.આઇ. નંબર ૮૬ર૧૪૪૦ ૪રપ૬૧પ૬, કિંમત ૧૦,૦૦૦/- ની ચોરી કરી લઇ જઇ ગુનો કરેલ છે.

જિલ્લા પંચાયતના પાર્કિંગમાંથી મોટર સાયકલ ચોરાયું

સીટી-એ ડિવીઝન પોલીસ સ્ટેશનમાં બહાદૂરસિંહ દાનુભા ચુડાસમા એ ફરીયાદ નોંધાવી છે કે જિલ્લા પંચાયત ખાતે પાર્કિંગમાં ફરીયાદી બહાદુરસિંહનું હિરો-હોન્ડા કંપનીનું મોટર સાયકલ કાળા કલરનું જેનાર રજી. નં. જી.જે. ૧૦-એલ-૮પ૭પ જેની કિંમત રૂ. ૧૦,૦૦૦/-નું કોઇ અજાણ્યો ચોર ઇસમ ચોરી કરી લઇ જઇ ગુનો કરેલ છે.

પાણા વડે હુમલો કર્યાની રાવ

લાલપર પોલીસ સ્ટેશનમાં હિરેનભાઇ જેઠાભાઇ પરમાર એ ફરીયાદ નોંધાવી છે કે પીપરટોડા તથા ગલ્લા ગામના હાઇવે રોડ પર હિરેનભાઇ તેમજ સાહેદને બોલીને ભીખાભાઇ દલાભાઇ સાગઠીયા, પ્રકાશભાઇ દલાભાઇ સાગઠીયા, રસીલાબન કાથળ ભાઇ રે. દડીયા ગામવાળા પાણા વડે માથાના ભાગે ઇજા કરેલ અને માથામાં પાછળના ભાગે જમણી સાઇડમાં પાણા વડે ઇજા કરી માથામાં ટાકા આવેલ હોય એક સંપ કરી ગુનો કરેલ છે.