ટંકારા નજીક કાર અને છકડો રીક્ષા વચ્ચે અકસ્માતમાં કારચાલક ભાવેશ રાજપરાનું મોત

કારમાં સવાર લિફ્ટ માંગી બેસેલા બે વિદ્યાર્થીનો બચાવ :રિક્ષાચાલકને ઇજા

 

મોરબી રાજકોટ હાઈવે અકસ્માત ઝોન બની ગયો હોય તેમ અવારનવાર અકસ્માતો સર્જાતા રહે છે જેમાં ટંકારા નજીક કાર અને છકડો રીક્ષા અથડાતા કારચાલક અને કારમાં સવાર બે બાળકો તેમજ રિક્ષાચાલકને ઈજા થઇ હતી જેમાં એકનું મોત થયું છે.

ટંકારાથી રાજકોટ તરફ જતી કાર નં જીજે ૦૩ ડીજી ૩૭૮૩ ની ટક્કર છકડો રીક્ષા સાથે થવા પામી હતી અને અકસ્માતમાં કાર ચાલક ભાવેશભાઈ રાજપરા, રીક્ષાના ચાલક પ્રવીણભાઈ અને કારમાં સવાર બે વિદ્યાર્થીઓને ઈજા પહોંચી હતી જેમાં કારચાલક ભાવેશ રાજપરાની હાલત ગંભીર હોવાથી તેણે ૧૦૮ મારફત રાજકોટ ખસેડવાની તજવીજ આદરી હતી જોકે સારવાર મળે તે પૂર્વે જ તેનું કરુણ મોત નીપજ્યું છે જયારે અન્ય ઈજાગ્રસ્તોને સારવાર હેઠળ ખસેડાયા છે કારમાં સવાર બે વિદ્યાર્થીઓએ લીફ્ટ માંગી હતી તેનો ચમત્કારિક બચાવ થયો હોય તેવી માહિતી સુત્રોમાંથી પ્રાપ્ત થઇ છે.