મોરબીના ત્રાજપરમાં તપાસમાં ગયેલી પોલીસ સાથે આરોપીના પિતાની બોલાચાલી કરી દેકારો મચાવ્યો

પોલીસે આરોપીના પિતા વિરુદ્ધ ફરજમાં રૂકાવટનો ગુન્હો નોંધ્યો

મોરબીના ત્રાજપર નજીક આરોપીને લઈને તપાસમાં ગયેલી પોલીસ સાથે આરોપી ના પિતાએ બોલાચાલી કરી ફરજમાં રૂકાવટ કરી હોવાની ફરિયાદ નોંધાવી છે

મોરબી સીટી બી ડીવીઝનમાં ફરજ બજાવતા ક્રિપાલસિંહ ચાવડાએ ફરિયાદ નોંધાવી છે કે પ્રોહીબીશનના આરોપી દીપકભાઈ ઉર્ફે મૂંગો સામજીભાઈને તપાસ માટે તેના રહેણાંક માકન પાસે ત્રાજપર ઝાપા પાસે લઇ જતા

આરોપી સામજીભાઇ બાબુભાઈ જંજવાડિયા રહે ત્રાજપર ગામ વાળાએ સાહેદ કિશોરદાન ગઢવીને કહેવા લાગેલ કે મારા દીકરાને અહી કેમ લાવેલ છો કહી દેકારો કરતા કિશોરદાન ગઢવી સમજાવવા જતા બોલાચાલી કરીને કાયદેસરની ફરજમાં રૂકાવટ કરી છે

પોલીસે ફરજમાં રૂકાવટનો ગુન્હો નોંધી તપાસ ચલાવી છે