ભાવનગરઃ સ્કૂલ બસમાંથી ફંગોળાતા વિદ્યાર્થીનીનું મૃત્યુ

ભાવનગરઃ  ઘોઘા તાલુકાના  વાળુકડ ગામે કરુણ ઘટના બની હતી. સ્કુલ બસમા઼થી ફંગોળાઇ જવાના કારણે ૧૪ વર્ષની વિદ્યાર્થીની તુલશી ચૌહાણનું મૃત્યુ થયુ હતુ.

સ્કુલ બસમાં ઠસોઠસ વિદ્યાર્થીઓ ભરવાના પરીણામે  ઘટના બન્યાનો આક્ષેપ  કરીને પરિવારજનોએ  ન્યાય અપાવવા માંગણી કરી હતી.

વાળુકડ ગામે આવેલી  માધ્યમિક શાળાની સ્કુલ બસ સવારે સ્કુલ તરફ જતી હતી ત્યારે બસમાંથી એક વિદ્યાર્થીની નીચે પટકાઇ હતી. આ વિદ્યાર્થીની પર બસના વ્હીલ ફરી ગયા હતા. અને તેનુ બનાવ સ્થળે જ મૃત્યુ નિપજયું હતુ. વિદ્યાર્થીનીનુ નામ તુલશી ચૌહાણ હોવાનુ ખુલ્યુ છે. આ અકસ્માતના પગલે  મૃતકના પરીવારજનો અને સ્થાનીક લોકો એકત્ર થઇ ગયા હતા. અને ઘેરા શોકની લાગણી ફેલાઇ હતી.