રાત્રે અમરેલીના નામચીન ઈરફાન ટાલકી પર જીવલેણ હુમલો :ટાવરચોકમાં છરીના આડેધડ ઘા ઝીક્યાં :દુકાનો ટપોટપ બંધ

ગંભીર હાલતમાં ઈરફાનને રાજકોટ હોસ્પિટલમાં ખસેડાયો :પોલીસ કાફલો દોડ્યો :હુમલાખોરોને ઝડપી લેવા ચક્રો ગતિમાન

 

અમરેલી: આજે રાત્રે અમરેલીના નામચીન શખ્સ ઈરફાન ટાલકી પર અજાણ્યાં શખ્સોએ જીવલેણ હુમલો કર્યો  હતો  ટાવરચોકમા અજાણ્યાં શખ્સોએ જાહેરમાં છરીનાં ઘા ઝીંકીને તેની હત્યા કરવાનો પ્રયાસ કર્યો હતો.છરીનાં આડેધડ હુમલાથી ઈરફાન ટાલકી ગંભીર રીતે ઈજાગ્રસ્ત થયો હતો ગંભીર હાલતમાં ઈરફાનને સારવાર માટે રાજકોટમાં હોસ્પિટલ ખાતે ખસેડવામાં આવ્યો હતો આ હુમલાનાં ભયથી ટાવરચોકની દુકાનો પણ અચાનક ટપોટપ બંધ થઈ ગઈ હતી.

   આ હુમલાની જાણ થતાં પોલીસનો કાફલો ઘટનાસ્થળે દોડી આવ્યો હતો. આ મામલે હત્યાનો ગુનો નોંધી પોલીસે વધુ તપાસ પણ હાથ ધરી છે તેમજ આરોપીઓને પકડવા ચક્રો પણ ગતિમાન કરી દીધાં છે. ઈરફાન ટાલકી હાલમાં રાજકોટમાં સારવાર હેઠળ છે તેમજ તેની હાલત પણ ખૂબ ગંભીર છે.