ચલાલામાં કોરોના વેકસીનેશન કેમ્પ

ચલાલા : લાયન્સ કલબ ઓફ અમરેલી રોયલ અને ભોજલરામ સહકારી મંડળી ચલાલા દ્વારા કોરોના વેકસીનેશન કેમ્પ યોજાયો હતો. ન.પા.ના મહિલા પ્રમુખ ગીતાબેન કારીયાએ કોરોના વેકસીનેશનનો ડોઝ લીધો હતો અને શહેરીજનોને જેમની ઉંમર ૪૫ થી વધુ હોય તેવા શહેરીજનોએ ફરી મહામુલ્ય જીંદગી અને માનવ જીવ બચાવવા ફરજીયાત વેકસીન ડોઝ લેવા સંદેશો આપી વેકસીનનો ડોઝ લીધા પછી કોઇ પ્રકારની આડઅસર થતી નથી તેમ જણાવેલ હતુ. કેમ્પમાં ૧૩૦ શહેરીજનોએ વેકસીનેશનના ડોઝ લઇ કોરોના સામે સુરક્ષીત બન્યા હતા. આ કેમ્પને સફળ બનાવવા ભોજલરામ સહકારી મંડળીના પ્રમુખ ગોરધનભાઇ ગેડીયા અને તેમની ટીમે અને લાયન્સ કલબની ટીમે જહેમત ઉઠાવી હતી. કોરોના વેકસીન કેમ્પ યોજાયો તે તસ્વીર.