આઇશરમાંથી ગબડેલા પાઇપ નીચે આવી જતા મોતઃ લીંબડી પાસે બનાવ
ભેંસ આડી આવતા અચાનક બ્રેક મારવાથી : પરિવારજનો મજૂરી અર્થે જુનાગઢ જઇ રહ્યા હતા
સુરેન્દ્રનગર તા. ૭ : લીમડી અમદાવાદ અને લીમડી રાજકોટ વચ્ચે અવાર નવાર અકસ્માત સર્જાતા હોય છે ત્યારે લીંબડી બગોદરા વચ્ચે ચાલુ આઇસરમાઙ્ગ અકસ્માત સર્જાયો હતો. જેમાં ઘટના સ્થળે એક વ્યકિતનું મોત નીપજયું હતું. સૂત્રોના જણાવ્યા મુજબ પતિ-પત્ની અને અન્ય ત્રણ લોકો જયારે પાણી ભરેલ આઇસરમા સવાર થઈ મજૂરી અર્થેઙ્ગ જુનાગઢ તરફ જઈ રહ્યા હતા તે દરમ્યાનહાઈવે રોડ ઉપર એકાએક ભેંસ ચડી આવતા આઇસર ડ્રાઈવરે બ્રેક મારીએ દરમિયાન ગાડીમાં સવાર ચંદુભાઈ કાશીરામ દેવીપૂજક જેવો વિરમગામના કરણ ગઢ ગામના વતની છે. જેઓ સુતા હતા અને બ્રેક લાગતાં આઇસરમાં ભરેલ પાઈપ તેમના ઉપર ગબડી પડતા અને ચંદુભાઈ પાઈપ નીચે આવી જતા ઘટના સ્થળે જ કમકમાટીભર્યુ મોત નીપજયું હતું. આ વાતની પાણશીણા પોલીસ સ્ટેશને જાણ થતા પોલીસ ઘટનાસ્થળે દોડી આવી લાશને પોસ્ટ મોર્ટમ અર્થે લીમડી ખસેડાઇ હતી અને અકસ્માતનો ગુનો નોંધી તપાસ હાથ ધરી છે.