પાળીયાદમાં બહેનની પજવણી કરતાં શખ્સને ટપારતાં અલ્પેશ પર હુમલો

કોળી યુવાનને સારવાર માટે રાજકોટ ખસેડાયો

રાજકોટ તા. ૭: બોટાદના પાળીયાદ ગામે રહેતાં અલ્પેશ ગોરધનભાઇ બાવળીયા (ઉ.૩૧) નામના કોળી યુવાન પર ગામમાં સાંજે બાબુ મેર, બાબુ લાભુ સહિતના શખ્સોએ હુમલો કરી પાઇપથી માર મારી ઇજા કરતાં પાળીયાદ સારવાર લઇ રાજકોટ સિવિલમાં દાખલ થયો હતો.

આ અંગે હોસ્પિટલ ચોકીના સ્ટાફે પાળીયાદ પોલીસને જાણ કરી હતી. અલ્પેશના કહેવા મુજબ તેની બહેનની બાબુ પજવણી કરતો હોઇ તે કારણે અગાઉ દોઢેક વર્ષ પહેલા માથાકુટ થઇ હતી. ફરીથી તે હેરાન કરતો હોઇ ઠપકો આપતાં બીજા શખ્સો સાથે મળી હુમલો કર્યો હતો. પોલીસે આ અંગે વિશેષ તપાસ હાથ ધરી છે.