સુરતમાં હલકી ગુણવતાની વસ્તુ વેચવા બાબતે મનપાએ 12 સંસ્થાને 1.86 લાખનો દંડ ફટકાર્યો

સુરત: મ્યુનિ.ના ફુડ વિભાગે વર્ષ ૨૦૧૮ની શરૃઆતથી અત્યાર સુધી  લીધેલા સેમ્પલમાં કેટલાક સેમ્પલ મીસ બ્રાન્ડ ( હલકી ગુણવત્તા)ના જણાતા  આવી વસ્તુ વેચનારા સામે દંડનીય કામગીરી કરી છે. મ્યુનિ. તંત્રએ મીસ બ્રાન્ડ વસ્તુ વેચનારા ૧૨ વેપારીઓ સામે એડજ્યુડીકેટીંગમાં ફરીયાદ દાખલ કરીને વપારીઓ પાસેથી ૧.૮૬ લાખ રૃપિયાના દંડ વસુલ કર્યો છે.
સુરત મ્યુનિ. વિસ્તારમાં ખાદ્ય સામગ્રીનું વેચાણ કરતાં વેપારીઓ દ્વારા મીલાવટ કરવામાં આવતી હોવાની વ્યાપક ફરિયાદ બાદ મ્યુનિ. તંત્રએ સતત દરોડા પાડીને સેમ્પલ લેવાની કામગીરી હાથ ધરી છે. લેબોરેટરીમાં સેમ્પલની ચકાસણી બાદ ૨૦૧૮થી અત્યાર સુધીમાં ૧૨ સંસ્થાઓ દ્વારા વેચાણમાં મુકવામાં આવેલી સામગ્રી મીસ બ્રાન્ડ ( જણાવ્યા કરતાં હલકી કક્ષા)ની નિકળી હતી.
જો બ્રાન્ડ ફેલ જાય તો મ્યુનિ. ંતત્ર કોર્ટમાં કેસ કરે છે પરંતુ આવા  મીસ બ્રાન્ડ- હલકી  ગુણવત્તાવાળી સામગ્રીના વેચાણમાં મ્યુનિ. તંત્ર વેચાણ કરનારી સંસ્થા સામે એડજ્યુડીકેટીંગમાં ફરિયાદ દાખલ કરે છે. મ્યુનિ. તંત્રએ દાખલ કરેલી ફરિયાદમા  ૧૨ વેપારીઓને ૧.૮૬ લાખ રૃપિયાનો દંડ ફટકારવામાં આવ્યો હતો. શહેરની જુદી જુદી  દુકાનોમાં નમુના લઈને પુથ્થકરણ કરાવ્યાતેમાં કેટલીક જગ્યાએ નમુના હલકીગુણવત્તાના માલુમ પડયા હતા. જોકે, સુરમતાં મોટા ભાગે દુધમાં પાણી મીલાવવાના કિસ્સા સૌથી  વધુ હોવાનું બહાર આવી રહ્યું છે.