ગોંડલના ખાંડાધાર ગામે દેશી દારૂની ભઠ્ઠી પકડાઇઃ એલસીબીનો દરોડો
દારૂ અને આથો સહિત ૯પ,૮૦૦ના મુદામાલ સાથે બે શખ્સોની ધરપકડ
તસ્વીરમાં પકડાયેલ બન્ને શખ્સો દારૂની ભઠ્ઠીના સાધનો સાથે નજરે પડે છે.
રાજકોટ તા. ૭: ગોંડલના ખાંડાધાર ગામે રૂરલ ક્રાઇમ બ્રાંચે દેશી દારૂની ભઠ્ઠી પર રેઇડ કરી બે શખ્સોની ધરપકડ કરી હતી.
જીલ્લા પોલીસ અધિક્ષકે પ્રોહી. ડ્રાઇવ અનુસંધાને અસરકારક કામગીરી કરવા આપેલ સુચના અન્વયે એલ.સી.બી. પો. ઇન્સ. એમ. એન. રાણાના માર્ગદર્શન હેઠળ એલસીબી સ્ટાફે ગોંડલ તાલુકાના ખાંડાધાર ગામે રેઇડ કરી દેશી દારૂની ભઠ્ઠી ચલાવતા (૧) ધર્મેશ કેશુભાઇ સોમૈયા તથા (ર) માધાભાઇ પમાભાઇ સોમૈયા રહે. બન્ને ખાંડાધાર તા. ગોંડલને દેશી દારૂ લીટર ૩પ કિ. ૭૦૦/- આથો લીટર કિ. ૧૪૦૦/- દેશી દારૂ બનાવવા માટેના ભઠ્ઠીના સાધનો કિં. રૂ. ૮૭૦૦/- વાહનો કિ. રૂ. ૭પ૦૦૦/- મોબાઇલ કિ. રૂ. ૧૦,૦૦૦/- મળી કુલ કિ. રૂ. ૯પ,૮૦૦/-નો મુદામાલ સાથે પકડી પાડી ગોંડલ તાલુકા પોલીસને હવાલે કર્યા હતા.