લતીપર-મોટી બાણુગર-ધ્રાફામા ૪ ઇંચ વરસાદ
જીલ્લામાં ગ્રામ્ય વિસ્તારોમાં મેઘરાજા મહેરબાન થતા સર્વત્ર ખુશાલી
જામનગર તા.૬: જામનગર જીલ્લાના મોટી બાણુગર અને ધ્રાફામાં ૪ ઇંચ વરસાદ પડ્યો છે ગ્રામ્ય વિસ્તારોમાં મેઘરાજા મહેરબાન થતા સર્વત્ર ખુશાલી છવાઇ છે.
જામનગર જીલ્લાનાં દરેડમાં પોણા ચાર ઇંચ, અલીયાબાડા જામવંથલીમા અઢી, વસઇ-લાખાબાવળમા ૧ ઇંચ, ઘુતારપરમા અડધો ઇંચ વરસાદ પડ્યો છે.
જયારે જોડિયા તાલુકાના બાલંભામાં બે ઇંચ, હડિયાણામાં પોણા બે ઇંચ, પીઠડમાં દોઢ ઇંચ, લતીપરમાં ૪ ઇંચ, જાલીયા દેવાણીમાં અઢી ઇંચ, લૈયારાયા સાડા ત્રણ ઇંચ વરસાદ પડ્યો છે.
કાલાવડના મોટાવડાળા, મોટા પાંચ દેવડામા સવા બે ઇંચ, નવાગામમા ર ઇંચ, ખરેડીમાં દોઢ ઇંચ, અને નિકાવા તથા ભલસાણ બેરાજામાં ૧ ઇંચ વરસાદ પડ્યો છે.
જયારે જામજોધપુરના જામવાડીમા પોણા ચાર ઇંચ વરસાદ પડ્યો છે. જયારે વાંસજાલીયા અને શેઠવડાળામાં સાડા ત્રણ ઇંચ, સમાણામા અઢી ઇંચ, પરડવામા ર ઇંચ વરસાદ પડ્યો છે.
જયારે લાલપુરના ડબાસંગ અને પડાણા તથા પીપરટોળામા ર ઇંચ, મોટા ખડવા અને મોડપરમા ૧ ઇંચ તથા ભણગોરમાં અડધો ઇંચ વરસાદ પડ્યો છે.