કચ્છમાં ત્રણ ડમ્પર વચ્ચે ટક્કરમાં માટી નીચે દબાતા બે ના મોત
(વિનોદ ગાલા દ્વારા) ભુજ તા. ૬ : ભુજ તાલુકાના મમુઆરા નજીક આજે એક વિચિત્ર અકસ્માત સર્જાયો હતો. મમુઆરા ગામની સિમમાં ખનીજ ખોદકામ દરમ્યાન અચાનક ૩ ડમ્પરો વચ્ચે અકસ્માત સર્જાયો હતો.
જેમા એક ડમ્પરમાં સવાર ચાલક અને મદદગાર બે વ્યકિતના મોત થયા છે. સદ્દનશીબે અન્ય ડમ્પરમાં સવાર લોકોને મોટી ઇજા પહોચી નથી પરંતુ અકસ્માત બાદ માટીનો ભાગ ધસી પડતા દબાઇ જવાથી પ્રકાશ ખીમજી લોહાર તથા દામજી રાણાભાઇ ડાંગર ના મોત થયા છે. ઘટનાની જાણ થતા પધ્ધ પોલિસ ઘટના સ્થળે પહોચી હતી. અને બનાવની તપાસ શરૂ કરી છે. જો કે હજુ ખાણ કોની માલિકીની છે. તે સહિતની વિગતો તપાસમાં પોલિસ મેળવી શકી નથી.પરંતુ સ્થળ તપાસ સાથે મૃતદેહોને સુપ્રત કરવાની તજવીજ પોલિસે હાથ ધરી છે.
પધ્ધર પી.એસ.આઇ જાડેજાએ જણાવ્યુ હતુ. કે અકસ્માતમાં બે વ્યકિતના મોત થયા છે. અને વધુ તપાસ પોલિસે હાથ ધરી છે. ઘટનાની એફ.એસ.એલ તપાસ પણ થશે અને કઇ રીતે અકસ્માત સર્જાયો તેની તપાસ કરાશે પરંતુ હાલ ઘટનામાં બે વ્યકિતના મોત થયા છે.
ઘટના સ્થળ પરથી સામે આવેલી તસ્વીરો પરથી અંદાજ લગાવી શકાય છે. કે લીઝમાં મોટા પ્રમાણમાં ખોદકામ કરવામા આવ્યુ છે. અને તેથી અકસ્માત સર્જાયો હોય તેવુ લાગી રહ્યુ છે. ખોદકામ કાયદેસર હતું કે ગેરકાયદેસર તે પણ તપાસનો વિષય છે.