પ્લાસ્ટીક ઝુંબેશના વિરોધમાં ચેમ્બર્સ ઓફ કોમર્સ દ્વારા શુક્રવારે ઉપલેટા બંધ
ઉપલેટા તા. પઃ ચેમ્બર્સ ઓફ કોમર્સની કારોબારી સભ્યોની એક મીટીંગ આજરોજ મળેલ મીટીંગનો હેતું ઉપલેટા નગરપાલિકા દ્વારા છેલ્લા ૬ થી ૭ દિવસથી પ્લાસ્ટીક પ્રતિબંધના ભાગરૂપે શહેરના નાના વેપારી-લારી, ગલ્લા વાળા તેમજ અન્ય ધંધાર્થીને જે અતિરેક અભિયાન ચલાવેલ તેનો વેપારી વર્ગમાં નારાજગી થયેલ છે. પ૦-માઇક્રોથી ઉપરના જબલા વાપરવા તેની સાથે અમારા વેપાર વર્ગની સહમતી છે, જેનો અમે અમલ કરવા તૈયાર છીએ.
પાલિકા સત્તાધિશો તો આમાં તમારે રૂ. ૪,૦૦૦/- માસીકનું રજીસ્ટર્ડ કરાવવું પડશે માલ આયાત કરીએ તેની ઉપર જે પ્લાસ્ટીક આવે તે તમે ન વાપરી શકો. વપરાશકાર પણ ગુનેગાર છે. આવી અનેક કલમો બતાવીને ઉપરથી નીચે સુધી તમામ કલમોમાં ગુનેગાર બની શકો તેમ છો. જયાં મેન્યુફેકચરીંગ થાય છે ત્યાંથી આ નિયમોનો અમલ કડકથી કરવામાં આવે તો આ ઝુંબેશને થોડી સફળતા મળે હાલ જે ઉપલેટા નગરપાલિકા દ્વારા આ ઝુંબેશ ચલાવેલ તે ધોરાજી-જેતપુર-ગોંડલ-રાજકોટ જેવા શહેરમાં પણ થયેલ નથી. આ સમગ્ર હકીકતને ધ્યાને લઇ ઉપલેટા ચેમ્બર્સ ઓફ કોમર્સ વેપારીને સાથે લઇ તા. ૭ ને શક્રવારે ઉપલેટા બંધનું એલાન આપેલ છે.
શહેરના તમામ વેપારી-લારી, ગલ્લા વાળા, હોટલ, ફેરીયા, અનાજ કિરાયા તેમજ સમગ્ર વેપાર કરતા લોકોને અપીલ કરે છે કે આ બંધમાં જોડાઇને બંધને સફળ કરવા માટે એક સાથે મળીએ. આ લડત બધાની છે જે આજના સમયની માંગ છે. ઉપલેટા બંધ પછી જો કોઇ ફેરફાર થતો નહિં જણાય તો આગામી દિવસોમાં લડતનો કાર્યક્રમ જાહેર કરવામાં આવશે.