ગોંડલના ચરખડીની પટેલ પરિણીતાએ પતિ-સસરાના ત્રાસથી આપઘાત કર્યો'તો

આપઘાત માટે મજબુર કરનાર પતિ પરાગ બોઘરા અને સસરા પ્રવિણભાઇ સામે પોલીસમાં ફરિયાદ

ગોંડલ તા. ૪ : તાલુકાના ચરખડી ગામની પટેલ પરિણીતાને આપઘાત માટે મજબૂર કરનાર પતિ અને સસરા સામે પોલીસમાં ફરિયાદ થઇ છે.

પ્રાપ્ત વિગતો મુજબ તાલુકાના ચરખડી ગામે રહેતા અરુણાબેન પરાગભાઈ બોઘરાએ ઝેરી દવા પી આત્મહત્યા કરી લેતા તાલુકા પોલીસમાં ફરિયાદ નોંધાવા પામી હતી. ફરિયાદી પરિણીતાના પિતા મનસુખભાઈ મેઘજીભાઈ સખીયા એ જણાવ્યું હતું કે તેની પુત્રીને પતિ પરાગ અને સસરા પ્રવીણભાઈ શારીરિક માનસિક ત્રાસ આપતા હોય જેથી કંટાળી પુત્રીએ આત્મહત્યા કરી લીધી છે તેથી પોલીસે આઇપીસી કલમ ૩૦૬ ૪૯૮ ૧૧૪ મુજબ ગુનો નોંધી વધુ તપાસ પી.એસ.આઇ કે.કે ગોહિલ હાથ ધરી છે.