ટંકારાની ૩૦ લાખની છેતરપીંડીના ગુન્હામાં એક વર્ષથી વોન્ટેડ બે શખ્સો પકડાયા

વિજય જીવાણી તથા મહેન્દ્ર જીવાણીને મોરબી પેરોલ ફર્લો સ્કવોડે દબોચી લીધા

ટંકારા તા. ૩: ટંકારા પોલીસ સ્ટેશનમાં છેતરપીંડીના ગુન્હામાં એકાદ વર્ષથી નાસતા ફરતા બે આરોપીઓને મોરબી પેરોલ ફર્લો સ્કોવોર્ડે ઝડપી લીધા હતા.

ટંકારા તાલુકાના ધુનડા (ખાન) ના કિશોરસિંહજી જીલુભા જાડેજા એ વિજય નરભેરામ જીવાણી તથા મહેન્દ્ર નરભેરામ જીવાણી સામે રૂ. ૩૦ લાખ લઇને પરત ન આપી છેતરપીંડી કર્યા અંગે પોલીસ ફરીયાદ કરેલ હતી.

મોરબી જિલ્લાના ફરાર આરોપીઓને પકડવાની સુચનાઓ અન્વયે પેરોલ ફર્લો સ્કવોર્ડ મોરબીના પો. હેડ કો. ચંદ્રકાંતભાઇ વસરામભાઇ વામઝા, સહદેવસિંહ નીરૂભા જાડેજા, જયેશભાઇ સોમાભાઇ વોલા એ ટંકારા પોલીસ સ્ટેશનના ફ.ગુ.ર.નં. ર૩/ર૦૧૯ આઇ.પી.સી. કલમ ૪૦૬, ૪ર૦, ૧૧૪ મુજબના નાસતા ફરતા આરોપી વિજયભાઇ નરભેરામભાઇ જીવાણી ઉ. વર્ષ ૩૮ મહેન્દ્ર નરભેરામભાઇ જીવાણી ઉ. ૩૬ રહે. હાલ ભીલવાડા આઝાદનગર રાજસ્થાનને દબોચી લીધા હતા. પકડાયેલ બન્ને આરોપીઓને પેરોલ ફર્લો સ્કવોર્ડ ટંકારા પોલીસનો હવાલે કર્યા હતા.