મોરબીના પાનેલીમાં તળાવમાં ખનીજ ચોરીનો પર્દાફાશઃ હિટાચી મશીન અને ૧૦ ડમ્‍પરો જપ્ત

મોરબીઃ મોરબીના પાનેલી ગામે આજે ખાણ ખનીજ વિભાગ દ્વારા દરોડા પાડી ખનીજ ચોરો પર તવાઇ ઉતારી છે અને કરોડોના મુદ્દામાલ જપ્ત કરી આગળની કાર્યવાહી હાથ ધરી છે.

મળતી વિગતો મુજબ મોરબી જિલ્લાના પાનેલી ગામે તળાવમાં ખનીજ ખાતા દ્વારા ગેરકાયદેસર ચાલતી મોરમ ચોરીમાં એક હિટાચી મશીન અને આઠથી દસ મોટા ડમ્પરો ઝડપી પાડેલ છે અને કેટલા રૂપિયાની ખનીજ ચોરી કરવામાં આવી છે તેનો તાગ મેળવવાનો પ્રયાસ હાથ ધરેલ છે અને આ ગેરકાયદેસર ખનીજ ચોરીમાં કોણ કોણ સંડોવાયેલું છે તેની પણ તપાસ ચાલુ છે. એકી સાથે આટલા મોટા પ્રમાણમાં વાહનો ઝડપાઇ જતા મોરબી જિલ્લાના ખનીજ માફીયાઓમાં ફફડાટ વ્‍યાપી ગયેલ છે.