જામનગરમાંથી પ૦ લાખના પ કિલો ચરસ સાથે પુનાના અરૂણ માંજરેની ધરપકડ

જામનગર, તા. ૧ : જામનગરમાંથી પુનાનો શખ્સ પ૦ લાખના પ કિલો ચરસના જથ્થા સાથે ઝડપાયો છે.

એન.સી.બી.ના ડાયરેકટ હરીઓમ ગાંધી તથા જામનગરના જીલ્લાના પોલીસ અધિક્ષક શરદ સિંધલની સુચના તથા એલ.સી.બી. પો.ઇન્સ. શ્રી આર.એ. ડોડીયાના માર્ગદર્શન મુજબ એલ.સી.બી. સ્ટાફના માણસો જામનગર શહેરમાં એન.ડી.પી.એસ.ની વોચમાં હતાં.

દરમ્યાન એન.સી.બી.ના ઓફીસર શ્રી સુનિલ તથા તેની ટીમ તેમજ એલ.સી.બી.ના પો.સ.ઇ. વી.વી. વાગડીયા તથા તેની ટીમ સાથે સાત સર્કલથી સુભાષ શાકમાર્કેટ વિસ્તારમાં વોચ હતાં ત્યારે સુભાષ શાકમાર્કેટ પાસે આરોપી અરૂણ માંજરે રહે. પુના મહારાષ્ટ્રવાળાને પ કિ.ગ્રા. ચરસ આંતરરાષ્ટ્રીય બજાર કિંમત રૂ. પ૦ લાખના મુદામાલ સાથે પકડી પાડી આરોપી વિરૂદ્ધ એન.ડી.એસ. દ્વારા કાયદેસરની કાર્યવાહી થવા એન.સી.બી.નાઓ દ્વારા કરવામાં આવેલ છે. તેમજ આગળ તપાસ એન.સી.બી. દ્વારા કરવામાં આવે છે. આ કાર્યવાહી પો.ઇન્સ. આર.એ. ડોડીયાની સુચનાથી પો.સ.ઇ. વી.વી. વાગડીયા તથા એલ.સી.બી. સ્ટાફના બસીરભાઇ મણેક, મીતેશભાઇ પટેલ, કમલેશભાઇ રબારી, નિર્મળસિંહ બી. જાડેજા, બળવંતસિંહ પરમાર, સુરેશભાઇ માલકીયા વિગેરે દ્વારા કરવામાં આવેલ છે. (૮.૧૩)