ભાણવડના સેવક દેવળીયામાં જાનથી મારી નાખવાની ધમકી
ભાણવડ, તા. ૧ :. ભાણવડના સેવક દેવળીયા ગામે રહેતા ફરીયાદી રફીક ઈભરામભાઈ ધુંધા (ઉ.વ. ૨૮) ઉપસરપંચ હોય જેથી ગામમાં જર્જરીત કોમ્યુનીટી હોલ હોય તે તોડી આરોગ્ય કેન્દ્ર બનાવવાનું હોય જેની નોટીસ બજાવવા જતા આરોપી (૧) જુમા રાણાભાઈ ધુંધા (૨) અદાભાઈ હાજીભાઈ ધુંધા (૩) હુસેન હાજીભાઈ ધુંધા (૪) હાજીભાઈ રાણાભાઈ ધુંધા આ ત્રણેય એ કહેલ કે આરોગ્ય કેન્દ્ર બનાવવા નહી દયે તેમ કહી ભુંડી ગાળો આપો જાનથી મારી નાખવાની ધમકી આપ્યાની ફરીયાદ રફીકભાઈ ધુંધા (ઉપસરપંચ)એ ઉપરોકત આરોપીઓ વિરૂદ્ધ નોંધાવાતા પોલીસે આગળની તપાસ હાથ ધરી છે.
ઈજા
કલ્યાણપુરના રાણ ગામે રહેતા ખેતશીભાઈ નાગડાભાઈ મોવર (ઉ.વ. ૩૨) પોતાનુ મો.સા. જીજે ૧૦ સીબી ૧૬૭૨વાળુ રાણ ગામેથી જોગવડ જવા નિકળેલ ત્યારે આરાધના ધામ નજીક પહોંચતા એક મો.સા. નં. જીજે ૩૭ સી ૬૬૦૪ના ચાલકે ગફલતભરી રીતે ચલાવી હડફેટે લેતા ગંભીર અકસ્માત સર્જાયો હતો. જેમા ખેતશીભાઈ મોવરને ઈજા થતા સારવાર ખસેડાયા હતા. પગમાં ફ્રેકચર જેવી ઈજા થતા ખેતશીભાઈ મોવરે આરોપી જીજે ૩૭ સી ૬૬૦૪ના ચાલક વિરૂદ્ધ ફરીયાદ નોંધાવાતા પોલીસે આગળની કાર્યવાહી હાથ ધરી છે.
માર માર્યો
કલ્યાણપુરના ભોગાતના ફરીયાદી રેશ્માબેન પટેલીયા (ઉ.વ. ૨૧)ને લગ્નજીવન દરમિયાન આરોપી (૧) મુનાભાઈ નુરમામદ ઈસમાણી (૨) નુરમામદ હુસેન ઈસમાણી (૩) જુલુબેન નુરમામદ ઈસમાણી (૪) શહેનાઝ નુરમામદ ઈસમાણી રહે. બધા માંગરોળવાળાને દુઃખ ત્રાસ આપી શારીરીક-માનસિક ત્રાસ આપી ઢીકાપાટુનો માર માર્યાની ફરીયાદ રેશ્માબેન પટેલીયાએ ઉપરોકત સાસરીયાઓ વિરૂદ્ધ ફરીયાદ નોંધાવાતા પોલીસે આગળની કાર્યવાહી હાથ ધરી છે.
જુગાર રમતા ઝડપાયા
ભાણવડના વાનવડ ગામે જુગાર રમતા આરોપી (૧) નાથાભાઈ માધાભાઈ વાઘેલા (૨) મનસુખ મંગાભાઈ વેગડ (૩) મનસુખ રાણાભાઈ ધુળા (૪) મનસુખ શંકરભાઈ બાટી (૫) ગોવિંદ નથુભા ધુળા રોકડા રૂા. ૭૮૨૦ સાથે પકડાઈ આવતા પોલીસે ધોરણસરની કાર્યવાહી હાથ ધરી છે.
ફીનાઈલ પીધી
દ્વારકાના દેવપરા ગામે રહેતા નિતુબેન ભાવેશભા માણેક (ઉ.વ.૨૦) ઘરે રસોઈ બનાવતા ત્યારે મોડુ થઈ જતા પતિ સાથે બોલાચાલી થતા લાગી આવતા નિતુબેન ફીનાઈલ પી જતા સારવારમાં ખસેડવામા આવેલ છે.