Gujarati News

Gujarati News

News of Saturday, 31st October 2020

તબીબોની અથાગ મહેનત છતાં જામનગરનો ૧ર વર્ષનો રીશી જીંદગી સામે જંગ હારી ગયો

કીડનીની બિમારીથી મૃત્યુ થતા હવે આર્થિક મદદ ન કરવા પરિવારજનોની વિનંતી

(મુકુંદ બદિયાણી દ્વારા) જામનગર, તા. ૩૧ : જામનગરની જી.જી.હોસ્પિટલમાં કિડનીની તકલીફથી પીડાતા ૧૨ વર્ષીય રિશીએ અંતે દુનિયા છોડી દીધી છે. છેલ્લા એકાદ સપ્તાહથી જામનગરની જી.જી.હોસ્પિટલમાં આવેલા પી આઈ સી યુ વિભાગમાં બાળકોના વિભાગના વડા ડો. ભદ્રેશ વ્યાસ અને ડાઙ્ખ. નમ્રતાની સમગ્ર તબીબોની ટીમ દ્વારા રાતદિવસ અથાગ પ્રયત્નો કરી અને સારવાર આપવામાં આવી રહી હતી. ત્યારે ખુબ જ ગરીબ પરિવારમાં આજે સવારે આ પરિવારના ચિરાગ જવા બાર વર્ષના રિશી નો જીવનદીપ બુજાતા પરિવાર પર આભ ફાટી પડ્યું છે. આજે વહેલી સવારે છેલ્લા દ્યણા સમયથી લાંબી બીમારીથી પીડાતા રીશીએ અંતિમ શ્વાસ લીધા હતા. તબીબોની સતત દેખરેખ અને સારવારની જહેમત બાદ પણ કોણ કોઈ જ સારવાર કારગત નીવડી ન હતી. અને રિશીએ અનંતની વાટ પકડી લીધી હતી. હાલ વામ્બે આવાસ ખાતે રિશીના મૃતદેહને અંતિમ વિધિ માટે લઈ જવાયો છે.

અકિલાની હાકલ સાંભળી અકિલા પરિવાર, આટકોટથી વિજયભાઇ વસાણી અને મિત્રો સહિત સંખ્યાબંધ લોકોએ યથાશકિત મદદ કરી હતી. દરમિયાન સામાન્ય સ્થિતિના આ પરિવારે સહુને વિનંતી કરી છે કે રિશી હવે રહ્યો નથી. આપ સહુનો અંતરથી આભાર. હવે આર્થિક મદદ નહિ મોકલવા અકિલાના વાચક ભાઇ-બહેનો સહિત સહુને અમારા પરિવારની વિનંતી છે.

(12:44 pm IST)
  • ' ધ બેટલ ઓફ બિલોગિંગ ' : શશી થરૂર લિખિત પુસ્તકનું લોન્ચિંગ : હિન્દુત્વની નારાબાજી કટ્ટરતાની નિશાની : હિન્દુત્વ એ કોઈ ધાર્મિક નહીં પણ રાજકીય સિદ્ધાંત છે : ' હિન્દૂ ભારત ' એ દેશના લોકશાહી બંધારણ માટે પડકાર સમાન : હિન્દુત્વનું આંદોલન એ 1947 ની મુસ્લિમ સંપ્રદાયિકતાનું પ્રતિબિંબ : લોન્ચિંગ પ્રસંગે ઉદબોધન access_time 6:32 pm IST

  • અમેરીકામાં એક જ દિવસમાં ૧ લાખ ઉપર નવા કોરોના કેસ નોંધાયા : ગઇરાત સુધીમાં ૧,૦૧,૪૬૧ કોવિડ કેસઃ એક જ દિવસમાં થયેલ વિશ્વભરમાં આ સૌથી મોટો આંકડો છેઃ ૧૭ સપ્ટેમ્બરે ભારતમાં એક જ દિવસમાં એક લાખ નજીક (૯૭,૮૯૪ કેસ નોંધાયા હતા) access_time 12:40 pm IST

  • દેશમાં કોરોના કેસનો આંકડો 81 લાખને પાર પહોંચ્યો : જોકે નવા કેસની સંખ્યામાં એકધારો ઘટાડો :નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 -30 વાગ્યા સુધીમાં કોરોનાના નવા 48,117 કેસ નોંધાયા:કુલ કેસનો આંકડો 81,36,166 થયો :એક્ટીવ કેસ ઘટીને 5,82,160 થયા:વધુ 59,005 દર્દીઓ સ્વસ્થ થતા કુલ 74,30,911 રિકવર થયા :વધુ 550 લોકોના મોત સાથે કુલ મૃત્યુઆંક 1,21,681 થયો access_time 1:04 am IST