Gujarati News

મોરબી શહેર ઓદ્યોગિક નગરી અને વિકસિત હોવા છતાં શહેરના હાલ બેહાલ છે અને નગરપાલિકા તંત્રની વહીવટી શીથીલતાને પગલે લોકો નર્કાગારમાં જીવી રહ્યા છે ત્યારે સીએ અને જાગૃત નાગરિકે આ મામલે પીએમને પત્ર પાઠવીને મોરબીને મહાનગરપાલિકાનો દરજ્જો આપવાની માંગ કરી છે

   મોરબીના સીએ રાજેશ અરણીયાએ વડાપ્રધાન ર મોદીને પત્ર પાઠવી જણાવ્યું છે કે કેન્દ્ર સરકારે ૩૭૦ અને ૩૫ એ હટાવી છે જે સાબિત કરે છે કે સરકારની નીતિ અને નિયત હકારાત્મક છે ત્યારે મોરબી શહેરને તમે ગુજરાતના મુખ્યમંત્રી હતા ત્યારે મોરબી જીલ્લો બનાવ્યો હતો અને હવે મોરબીને મહાનગરપાલિકા મળે તે જરૂરી છે મોરબીની હાલત દયનીય બની છે શહેરમાં ખુલ્લી ગટર, તૂટેલા રસ્તાઓ, આડેધડ બાંધકામ, કચરાના ઢગલાઓ, ટ્રાફિક સમસ્યા અને નગરપાલિકામાં અણધડ વહીવટથી પ્રજા પરેશાન જોવા મળે છે મોરબી શહેરની માથાદીઠ આવક પણ સૌથી વધુ છે છતાં મોરબી જીલ્લાની કુલ ૧૦ લાખ જેટલી વસ્તીને વિકાસનો સ્વાદ ચાખવા મળતો નથી જેથી મોરબીને મહાનગરપાલિકાનો દરજ્જો મળે અને શહેરની સુખાકારી અને વિકાસમાં વધારો થાય તેવી માંગ કરી છે