Gujarati News

રાજકોટ :  સૌરાષ્ટ્રમાં સતત બીજા દિવસે પણ વાતાવરણમાં પલ્ટો જોવા મળ્યો છે.આજે બપોર બાદ ભારે બફારા વચ્ચે આકાશમાં ઘટાટોપ વાદળો છવાયા હતા અને સાંજે રાજકોટ જિલ્લામાં અચાનક ગાજવીજ સાથે વરસાદી વાતાવરણ સર્જાયું હતું.

રાજકોટના ગોંડલ તાલુકાના ભુણાવા, લુણીવાવ તથા આજુબાજુના વિસ્તારમાં પણ ગાજવીજ સાથે વરસાદ પડ્યો હતો.

 આ ઉપરાંત ચિભડા અને ખાંભા ગામે પણ ગાજવીજ અને પવન સાથે ધોધમાર વરસાદ વરસ્યો હતો.

 વરસાદ પડતા જ વાતાવરણમાં ઠંડક પ્રસરતા લોકોએ અસહ્ય ગરમીમાંથી રાહત મેળવી છે.
વરસાદથી ઉનાળુ તલ, મગ, બાજરી અને કેરીના પાકને નુકસાન પહોંચ્યું છે