Gujarati News

Gujarati News

News of Thursday, 31st May 2018

ગીર સોમનાથ જીલ્લામાં ઓરી-રૂબેલા અભિયાનમાં બાળકોને રસીકરણ

ગીર સોમનાથ, તા.૩૧: સરકારશ્રી દ્રારા ૨૦૨૦ સુધીમાં ઓરી રોગની નાબુદી અને રૂબેલાને નિયંત્રણ કરવા મીઝલ્સ રૂબેલા (એમ.આર) ઝુંબેશ આગામી જૂલાઈ-૨૦૧૮ માસ દરમિયાન શાળાઓમાં વેકેશન ખુલતા આરોગ્ય વિભાગ દ્રારા હાથ ધરવામાં આવશે. જેનાં ભાગરૂપે ગીર સોમનાથ જિલ્લામાં પણ આ અભિયાન શરૂ થનાર છે. જેમાં ૯ માસ થી ૧૫ વર્ષના તમામ બાળકોને ઓરી-રૂબેલાની રસીથી આરક્ષિત કરાશે. એમ.આર./ એમ.એમ.આર.ની રસી આપી દેવામાં આવી હોય તો પણ બાળકોને ફરી આપવામાં આવશે. આ અભિયાનમાં સહયોગ આપવા ગીર સોમનાથ જિલ્લાની સંસ્થાઓને અનુરોધ કરાયો છે.

આ અભિયાન WHO ની ગાઈડલાઈન અને સહયોગથી  જિલ્લા કલેકટરશ્રી અજયપ્રકાશ અને જિલ્લા વિકાસ અધિકારીશ્રી અશોક શર્માએ આરોગ્ય વિભાગ, શિક્ષણ વિભાગ, મહિલા અને બાળ વિકાસ વિભાગ, ઈન્ડીયન મેડીકલ એસો. અને ઈન્ડીયન એસો.ઓફ પીડીયાટ્રીકટને સંકલન રાખી આ અભિયાનમાં સહયોગ આપવા અનુરોધ કરાયો છે.

 આ ઝૂંબેશમાં મુખ્ય જિલ્લા આરોગ્ય અધિકારીને કોર કમિટીના ચેરપર્સન બનાવી આરોગ્ય વિભાગની મુખ્ય ભૂમિકા નકકી કરવામાં આવી છે. તેમજ શિક્ષણ વિભાગ, મહિલા અને બાળ વિકાસ વિભાગ, ઈન્ડીયન મેડીકલ એસો. અને ઈન્ડીયન એસો.ઓફ પીડીયાટ્રીકટને આરોગ્ય વિભાગ સાથે સંકલનમાં રહી જુદી જુદી કામગીરીની સોંપણી કરવામાં આવી છે. આ અભિયાનમાં ષ્ણ્બ્ ની ગાઈડલાઈન મુજબ કામગીરી નિભાવી જિલ્લામાં શ્રેષ્ઠ કામગીરી કરવા જિલ્લા કલેકટરશ્રી અજયપ્રકાશ અને જિલ્લા વિકાસ અધિકારીશ્રી અશોક શર્માએ અનુરોધ કર્યો છે.

(11:53 am IST)