Gujarati News

Gujarati News

News of Thursday, 31st May 2018

આવતીકાલે ૧ દિ' માટે ગામડા બંધ...

કેટલો પ્રતિભાવ મળશે ? રાષ્‍ટ્રીય કિસાન સંગઠને રૂપાણી સરકાર સામે શિંગડા ભરાવ્‍યા

રાજકોટ તા. ૩૧ : વર્તમાન ભાજપ સરકારના શાસનમાં ખેડૂતોની હાલત કફોડી બની છે. અનેક પ્રશ્નોથી ખેડૂતો પિડાઇ રહ્યા છે ત્‍યારે રાષ્‍ટ્રીય કિસાન સંગઠને રૂપાણી સરકાર સામે મોરચો માડયો છે. રાષ્‍ટ્રીય કિસાનસંઘે આવતીકાલે ૧લી જૂને ગુજરાતભરમાં ગામડા બંધનું એલાન આપ્‍યું છે. આ દિવસે ખેડૂતો દૂધ, શાકભાજી, અનાજ વગેરેનું વેચાણ કરશે નહીં.

રાષ્‍ટ્રીય કિસાન સંગઠને એવો આક્ષેપ કર્યો છે કે, કેન્‍દ્ર સરકારે ખેડૂતોને સકંજામાં લેવા પ્રયાસો કર્યા છે. અનેક સમસ્‍યાઓને લીધે ખેડૂતો બેહાલ બન્‍યા છે. રાજકીય દબાણ હેઠળ સરકાર ભૂમિ અધિગ્રહણ જેવા કાળા કાયદા ઘડી રહી છે.

મોદી સરકારને ચાર વર્ષ પૂર્ણ થવા આવ્‍યા. હજુ સુધી સ્‍વામીનાથન કમિટિની ભલામણોનો સ્‍વિકાર કરાયો નથી. ખેત ઉત્‍પાદનના દોઢ ગણા ભાવ આપવાના વાયદાય હજુ કેન્‍દ્ર સરકારે પાળ્‍યા નથી. આ સંજોગોમાં ખેડૂતોને ન્‍યાય મળે તે દિશા એક દિવસીય પ્રતિક હડતાળનું એલાન કરાયું છે.

(10:34 am IST)
  • પેટાચુંટણી જંગ : બપોરે ૧૨ની સ્‍થિતિ દેશની ૪ લોકસભા બેઠકોની સ્‍થિતિ કૈરાના ભાજપ પાછળ - આરએલડી (૪૧૩૯૧ મતથી આગળ) પાલઘર ભાજપ આગળ ભંડારા - ગોંદિયા એનસીપી આગળ નાગાલેન્‍ડ એનપીએફ (નાગા પીપુલ્‍સ ફ્રન્‍ટ) આગળ access_time 1:07 pm IST

  • વિશ્વમાં શાંતિ જાળવી રાખવા ભારતીય સૈનિકોએ સૌથી વધુ બલિદાન આપ્યું :યુનાઇટેડ નેશનના મહાસચિવ એન્ટોનિયા ગુટેરેસે 70માં સ્થાપના દિવસે કહ્યું કે શહીદી વહોરવામાં સૌથી વધુ જવાનો ભારતના છે.: છેલ્લાં 70 વર્ષમાં વિશ્વમાં થયેલા પીસકિપિંગ મિશનમાં ડ્યૂટી દરમિયાન સૌથી વધારે શાંતિદૂત ભારતના જ શહીદ થયા છે. 163 ભારતીયોએ માત્ર માનવતાને ખાતર બલિદાન આપ્યું access_time 1:26 am IST

  • હિલ સ્ટેશન સિમલામાં અભૂતપૂર્વ પાણીની સમસ્યા :છેલ્લા કેટલાય દિવસોથી આંદોલન કરતા લોકો ફરી રસ્તામાં ઉતર્યા :પાણીની તંગીને કારણે 30 રેસ્ટોરન્ટ બંધ :નપા અને સરકાર વિરુદ્ધ વિરોધ પ્રદર્શન ; રાજ્યપાલને આવેદનપત્ર પાઠવ્યું :નળને બદલે ટેંકરોથી પાણીનું વિતરણ :કાળાબજારી અને તંત્રની બેદરકારી સામે લોક રોષ access_time 1:38 am IST