Gujarati News

મોરબીઃ મોરબી ઝૂલતો પુલ દુર્ઘટનામાં આગોતરા જામીન અરજીની સુનાવણી પૂર્વે આજે જયસુખ પટેલ કોર્ટમાં હાજર થતા કોર્ટે જેલહવાલે કરવાનો હુકમ આપ્યો હતો જેથી જેલહવાલે કર્યા બાદ તપાસ અધિકારીએ આરોપીનો કબજો માંગતા આરોપીનો કબજો પોલીસને સોપાયો છે

મોરબી કોર્ટે આરોપી જયસુખ પટેલને જેલહવાલે કરવાનો આદેશ કરતા આરોપીને જેલ લઇ જવાયા હતા દરમિયાન મોરબી ડીવાયએસપી દ્વારા કોર્ટમાં આરોપીના કબજાની માંગણી કરતી અરજી કરી હતી જેને કોર્ટે માન્ય રાખતા જયસુખ પટેલનો કબજો પોલીસને સોપવામાં આવ્યો હતો અને ડીવાયએસપી ટીમ આરોપી જયસુખ પટેલને ડીવાયએસપી કચેરી લાવી છે

બુધવારે રિમાન્ડની માંગણી સાથે જયસુખ પટેલને કોર્ટમાં રજુ કરવામાં આવશે અગાઉ નવ આરોપી ઝડપાઈ ચુક્યા છે અને જયસુખ પટેલ નાસતા ફરતા આરોપી હતા જે પણ હવે કોર્ટની શરણે આવી ચુક્યા છે જેથી હવે જયસુખ પટેલના રિમાન્ડ કેટલા દિવસના રિમાન્ડ મળે છે તે જોવું રહ્યું.