Gujarati News

Gujarati News

News of Monday, 30th November 2020

કેશોદમાં જાહેરમાં જુગાર રમતા ચાર મહિલા સહીત સાત ઝડપાયા

પટેલ રોડ પર આવેલા સુતારવાવ ચોક પાસે ગલીમાં જાહેરમાં જુગાર રમતા પતા પ્રેમીઓ પાસેથી રોકડ રકમ 7450 કબ્જે કરાયા

કેશોદના ધમધમતા વિસ્તારમાં જુગાર રમતાં ચાર મહિલા અને બે પુરુષો ઝડપાતાં ખળભળાટ મચી ગયો છે. કેશોદ શહેરમાં પટેલ રોડ પર આવેલા સુતારવાવ ચોક પાસે ગલીમાં જાહેરમાં જુગાર ચાલતો હોવાની મળેલી બાતમીના આધારે તપાસ હાથ ધરવામાં આવી હતી. જ્યાં કુંડાળું કરીને જુગાર રમતાં પત્તાપ્રેમીઓ ઝડપાયાં છે.

કેશોદ પોલીસ સ્ટેશનમાં ફરજ બજાવતા પો.હેડ કોન્સ્ટેબલ બહાદુરસિંહ ભલગરીયા, ભાવસિંહ સીસોદીયા,કનકભાઈ સીસોદીયા, દિલીપભાઈ પરમાર અને કોમલબેન ડાંગર દ્વારા સાંજના સુમારે ૭-૪૫ કલાકે રેડ કરતાં જાહેરમાં જુગાર રમતાં નિમુબેન નામુભાઈ દયાતર,વનીતાબેન લલીતભાઈ ગોહેલ, જયોતીબેન અમરદાસ મેસવાણીયા,રૂપીબેન લખુભાઈ દાસા, નીલેશભાઈ લખુભાઈ દાસા, વિજયભાઈ સુરેશભાઈ મેઘનાથીને રોકડા રૂપિયા ૭૪૫૦ સાથે ઝડપી પાડી જુગાર ધારાની કલમો હેઠળ કાયદેસરની કાર્યવાહી હાથ ધરવામાં આવી છે.

(11:40 pm IST)
  • બંગાળના અખાતમાં ડિપ્રેશન બન્યુ, ૨૪ કલાકમાં ડિપડિપ્રેશનમાં ફેરવાશે : દક્ષિણ - પૂર્વ બંગાળના અખાત ઉપર ડિપ્રેશન સર્જાયુ છે જે ડિપ ડિપ્રેશનમાં ફેરવાઈ જાય તેવી પૂરી સંભાવના હોવાનું હવામાન ખાતાએ જણાવ્યુ છે access_time 1:28 pm IST

  • આજે ગુરૂનાનક જયંતિઃ કોરોના સંક્રમણ ધ્યાને લઇ જાહેર ઉજવણી બંધ : ઘેર ઘેર દીપ પ્રાગટય કરાશે : પ્રસાદ ફુડ પેકેટરૂપે અપાશે : શીખ અને સિંધી સમાજના હૈયે છવાતો ઉમંગ : ગુરૂદ્વારાઓમાં થશે સિમિત સંખ્યામાં પુજા અર્ચના : અખિલ વિશ્વ ગાયત્રી પરિવાર દ્વારા પણ દિપાંજલીનું આયોજન : રાજકોટના સદર બજાર ગુરૂદ્વારામાં સાદગીપૂર્ણ થશે ઉજવણી access_time 11:25 am IST

  • દેશમાં પ્રવર્તતી કોવિડ-૧૯ની પરિસ્થિતિની ચર્ચા કરવા મોદી સરકારે ૪થી ડિસેમ્બરે સવારે ૧૦:૩૦ વાગ્યે સર્વપક્ષીય બેઠક બોલાવી છે access_time 2:01 pm IST