Gujarati News

Gujarati News

News of Monday, 30th November 2020

મોરબીમાં મારામારીમાં યુવાનની હત્યા કરનાર ત્રણ આરોપીના રિમાન્ડપૂર્ણ થતા જેલહવાલે

મોરબી,તા. ૩૦: સામાકાંઠા વિસ્તારમાં નજીવી બાબતે ચાર શખ્સોએ આધેડને માર મારતા સારવારમાં મોત થયું હતું. જે બનાવ હત્યામાં પલટાયો હોય અગાઉ એક આરોપીને ઝડપી લીધા બાદ પોલીસે વધુ ત્રણ આરોપીને દબોચી લીધા હતા. જે ત્રણ આરોપીના રિમાન્ડ પૂર્ણ થતા જેલહવાલે કર્યા છે.

કુબેરટોકીઝ પાછળ રહેતા ગોગનભાઈ વિરજીભાઈ વાઘેલાને ગત તા. ૧૩ ના મેમરી કાર્ડ વેચાતું લેવા મામલે બોલાચાલી થયા બાદ આરોપી રસિક દેવશી ચારોલીયા, હરેશ ઉર્ફે ઉગો દેવસી ચારોલીયા, મુકેશ રસિક અને સુરેશ કિશોર રહે બધા શનાળા બાયપાસ મોરબી વાળાએ માર માર્યો હતો અને ગંભીર ઈજા પામેલ આધેડનું સારવારમાં મોત થતા બનાવ હત્યામાં પલટાયો હોય જે હત્યાના બનાવ મામલે તપાસ ચલાવતા બી ડીવીઝન પીઆઈ આઈ એમ કોઢિયા, પ્રદીપસિંહ ઝાલા અને ભુપતભાઈ સહિતની ટીમે મુખ્ય સુત્રધાર રસિક દેવશી ચારોલીયાની ધરપકડ કરી હતી તો અન્ય આરોપી મુકેશ રસિક, સુરેશ કિશોર અને હરેશ ઉર્ફે ઉગો દેવશી એ ત્રણ આરોપી ફરાર હોય જેને ઝડપી લેવાયા હતા અને આજે રિમાન્ડ પૂર્ણ થતા જેલહવાલે કરવામાં આવ્યા છે.

કુલીનગરમાંથી બીયર સાથે ઝડપાયો

મોરબી એલસીબી ટીમ પેટ્રોલિંગમાં હોય દરમિયાન વિસીપરા કુલીનગર વિસ્તારમાંથી આરોપી ઇમરાન નુરમામદ મોવર (ઉ.વ.૩૯) રહે મોરબી વિસીપરા વાળાને બીયર નંગ ૪૮ કીમત રૂ ૪૮૦૦ સાથે ઝડપી લીધો છે જયારે અન્ય આરોપી નિજામ જુસબ કટિયા રહે મોરબી મચ્છીપીઠ પાછળ વાળાનું નામ ખુલતા આરોપી સામે ગુન્હો નોંધી વધુ તપાસ ચલાવી છે.

(12:50 pm IST)
  • દિલ્હીમાં કોરોના ટેસ્ટના ભાવમાં ધરખમ ઘટાડો: દિલ્હીમાં આરટી-પીસીઆર પરીક્ષણના ભાવ રૂ. ૨૪૦૦ થી ઘટીને રૂ. ૮૦૦ થઈ ગયાનું કેજરીવાલની "આપ" સરકારનું કહેવું છે. access_time 8:52 pm IST

  • આજે ગુરૂનાનક જયંતિઃ કોરોના સંક્રમણ ધ્યાને લઇ જાહેર ઉજવણી બંધ : ઘેર ઘેર દીપ પ્રાગટય કરાશે : પ્રસાદ ફુડ પેકેટરૂપે અપાશે : શીખ અને સિંધી સમાજના હૈયે છવાતો ઉમંગ : ગુરૂદ્વારાઓમાં થશે સિમિત સંખ્યામાં પુજા અર્ચના : અખિલ વિશ્વ ગાયત્રી પરિવાર દ્વારા પણ દિપાંજલીનું આયોજન : રાજકોટના સદર બજાર ગુરૂદ્વારામાં સાદગીપૂર્ણ થશે ઉજવણી access_time 11:25 am IST

  • આજે છાયા ચંદ્રગ્રહણ : ભારતના પૂર્વ ભાગમાં દેખાશે : ગુજરાતમાં નહીં દેખાય ગ્રહણની અવધિ ૪ કલાકને ૨૩ મિનિટ : ગ્રહણ સ્પર્શ ૧૨ કલાકને ૫૯ મિનિટ ૪૧ સેકન્ડ : ગ્રહણ મોક્ષ : પ કલાક ૨૫ મિનિટ ૩૨ સેકન્ડ : ટેલિસ્કોપની મદદથી આ અવકાશી ખગોળીય ઘટના નિહાળી શકાશે : ગુજરાતમાં ગ્રહણ જોવા નહીં મળે : માત્ર ભારતના પૂર્વ વિભાગના અલ્હાબાદ, બાલી, ભાગલપુર, કટક સહીતના વિસ્તારોમાં જોવા મળશે : વિજ્ઞાન જાથા દ્વારા અવકાશી ખગોળી ઘટનાના અવલોકન : ગેરમાન્યતાના ખંડન સાથે લોકોને સાચુ માર્ગદર્શન આપવા ઠેરઠેર કાર્યક્રમો થશે તેમ જાથાના રાજયના ચેરમેન એડવોકેટ જયંત પંડયાની યાદીમાં જણાવાયુ છે access_time 11:25 am IST