Gujarati News

Gujarati News

News of Monday, 30th November 2020

વાંકાનેર તાલુકામા બાયોડીઝલ બિન અધિકૃત વેંચાણ સામે પેટ્રોલ-ડીઝલ એસો. દ્વારા વિરોધ પ્રદર્શન

(મહમદ રાઠોડ દ્વારા) વાંકાનેર,તા.૩૦ : વાંકાનેર તાલુકામાં બાયોડિઝલ બિન અધિકૃત વેચાણ સામે વાંકાનેર તાલુકા પેટ્રોલ-ડિઝલ એસો. દ્વારા સબળ વિરોધ વ્યકત કરાયો છે.

ગેરકાયદે બાયોડિઝલ વેંચાણ બાબતે વાંકાનેર તાલુકા પેટ્રોલ-ડિઝલ એસોસીએશન દ્વારા મામલતદાર વાંકાનેરને પાઠવાયેલ આવેદનપત્રમાં જણાવાયેલ છે કે, ''અમો વાંકાનેર તાલુકાના સર્વે પેટ્રોલ પંપ ડીલર ભાઇઓ તરફથી આપને લેખિત ફરીયાદ જણાવીએ છીએ કે, વાંકનેર તાલુકાના જોધપુર ગામે બ્રીજ ઉતરતા ડાબી સાઇડમાં કિસ્મત એન્ટરપ્રાઇઝના નામથી અનઅધિકૃત કેમીકલ બાયો ડિઝલના નામથી વેંચાણ થઇ રહ્યું છે. આવા અન અધિકૃત રીતે ચાલતા પંપને સરકારના આદેશ મુજબ તાત્કાલીક ધોરણે બંધ કરાવવા અમારી નમ્ર વિનંતી છે. ''આ આવેદન પત્રની નકલ મોરબી જીલ્લા કલેકટર તથા વાંકાનેર પીઆઇને પઠવાયેલ હોવા છતાં હજુ સુધી આ અનઅધિકૃત કેમીકલનું વેંચાણ બંધ થયુ નથી. આ આવેદનપત્રમાં ખ્વાજા પેટ્રોલીયમ, કેમ્બ્રીજ ઓટો, જ્યોતી પેટ્રોલીયમ, રાજશકિત પેટ્રોલીયમ, આર્શીવાદ પેટ્રોલીયમ, શ્રી નાથજી પેટ્રોલીયમ સહિતના પેટ્રોલ ડીઝલ એસો.ના પ્રોપ્રાઇટરો સામેલ રહ્યા છે.

(11:28 am IST)
  • દેશમાં કોરોનાના કેસનો કુલ આંકડો 94 લાખને પાર પહોંચ્યો : મૃત્યુઆંક 1.37 લાખથી વધુ :રાત્રે 11 વાગ્યા સુધીમાં કોરોનાના નવા 37,685 કેસ નોંધાયા:કુલ કેસની સંખ્યા 94, 30,724 થઇ :એક્ટીવ કેસ 4,46,658 થયા : વધુ 43,590 દર્દીઓ સ્વસ્થ થતા કુલ 88,44,751 રિકવર થયા :વધુ 419 લોકોના મોત સાથે કુલ મૃત્યુઆંક 1,37,152 થયો access_time 12:08 am IST

  • દેશમાં પ્રવર્તતી કોવિડ-૧૯ની પરિસ્થિતિની ચર્ચા કરવા મોદી સરકારે ૪થી ડિસેમ્બરે સવારે ૧૦:૩૦ વાગ્યે સર્વપક્ષીય બેઠક બોલાવી છે access_time 2:01 pm IST

  • સામાજિક કાર્યકર સ્વ.બાબા આમ્ટેની પુત્રી ડો.શીતલ આમ્ટે એ આત્મહત્યા કરી : આનંદવન ખાતેના નિવાસ સ્થાને ઝેરનું ઇન્જેક્શન લઇ જીવન ટૂંકાવી લીધું access_time 6:53 pm IST