Gujarati News

Gujarati News

News of Monday, 30th November 2020

ઉપલેટા ભાદર નદીના કાંઠે યુવકનો મૃતદેહ મળ્યો

(ભરત દોશી દ્વારા) ઉપલેટા, તા.૩૦: શહેરના પાટણવાવ રોડ પર આવેલ ભાદર અને મોજ નદીનું જયાં સંગમ થાય છે એવા પંચેશ્વર મહાદેવના મંદિરથી માત્ર ૨૫ ફૂટ જ દૂર એક યુવકનો મૃતદેહ પડયો હતો. જયારે મંદિરના પુજારીના પત્ની દૂધ લેવા માટે નીકળતા મૃતદેહ પડેલો જોઈ બૂમાબૂમ કરી મૂકતા મંદિરના પૂજારી દોડી આવેલ અને ઉપલેટા પોલીસને જાણ કરતાં ઘટનાસ્થળે દોડી તપાસ કરતા યુવકના ખિસ્સામાંથી આધાર કાર્ડ નીકળેલ જે યુવક મેલી મજેઠી ગામનો વાઢેર વિરાજકુમાર સોમાભાઈ વણકર હોવાનું જાણવા મળેલ. યુવકનાં મૃતદેહની બાજુમાં જ મોનોક્રોટોફોસ નામની ઝેરી દવાની ખાલી શીશી પણ ઢાંકણું ખોલેલી મળી આવેલ. પોલીસ દ્વારા તેના સગા સંબંધીઓને જાણ કરતાં તેના પરિવારજનો દોડી આવેલ હતા. જાણવા મુજબ નાનપણમાં જ મૃતકના માતા-પિતાનું મૃત્યુ થયેલ અને  તલંગણા ગામે તેના મામાને ઘરે ઉછરીને મોટો થયેલ. હાલ તે તેના મેલી મજેઠી ગામે તેના પરિવારજનો સાથે રહેતો  યુવકને શા માટે આત્મહત્યા કરવી પડી ? કયા કારણથી આ પગલું ભર્યું ? વગેરે બાબતની આત્મહત્યાની સાચી હકીકત પોલીસ તપાસ બાદ જ જાણવા મળશે.  જમાદાર ભુપેન્દ્રભાઈ સોલંકી તપાસ ચલાવી રહ્યા છે.

(11:25 am IST)
  • સામાજિક કાર્યકર સ્વ.બાબા આમ્ટેની પુત્રી ડો.શીતલ આમ્ટે એ આત્મહત્યા કરી : આનંદવન ખાતેના નિવાસ સ્થાને ઝેરનું ઇન્જેક્શન લઇ જીવન ટૂંકાવી લીધું access_time 6:53 pm IST

  • ઈરાની ચક્રાવાત નિવારના પસાર થયા બાદ હવે તેની અસર દેખાઈ : આગામી 24થી 36 કલાક સુધી ભારતના કેટલાક વિસ્તારોમાં વરસાદની શક્યતા : ઠંડીનું જોર પણ વધશે : હવામાન વિભાગની આગાહી access_time 1:02 pm IST

  • આજે ગુરૂનાનક જયંતિઃ કોરોના સંક્રમણ ધ્યાને લઇ જાહેર ઉજવણી બંધ : ઘેર ઘેર દીપ પ્રાગટય કરાશે : પ્રસાદ ફુડ પેકેટરૂપે અપાશે : શીખ અને સિંધી સમાજના હૈયે છવાતો ઉમંગ : ગુરૂદ્વારાઓમાં થશે સિમિત સંખ્યામાં પુજા અર્ચના : અખિલ વિશ્વ ગાયત્રી પરિવાર દ્વારા પણ દિપાંજલીનું આયોજન : રાજકોટના સદર બજાર ગુરૂદ્વારામાં સાદગીપૂર્ણ થશે ઉજવણી access_time 11:25 am IST