Gujarati News

રાજકોટ, તા.,૩૦: ગોંડલમાં ગુંદાળા ચોકડી  પાસે જુની અદાવતનો ખાર રાખી યુવાનને જ્ઞાતિ પ્રત્યે અપમાનીત કરી માર મારી લુંટી લીધાની ૩ શખ્સો સામે ફરીયાદ થઇ છે.

પ્રાપ્ત વિગતો મુજબ ગોંડલમાં રહેતો વિશાલ બાબુભાઇ બાબરીયા ગુંદાળા ચોકડી નજીક ઉભો હતો ત્યારે જુની અદાવતનો ખાર રાખી કાનો ઉર્ફે કાનભા દરબાર (રહે. રઘુવીર સોસાયટી), અજયસિંહ દરબાર (રહે. ગોંડલ) તથા એક અજાણ્યા શખ્સે ઘસી આવી જ્ઞાતિ પ્રત્યે અપમાનીત કરી ઢીકા-પાટુનો માર મારી બે મોબાઇલ ફોન  તથા રોકડા રૂ. પ થી ૬ હજાર લુંટી નાસી છુટયા હતા. ફરીયાદી વિશાલને આઠેક મહિના પુર્વે કાનો ઉર્ફે કાનભા સાથે માથાકુટ થઇ હોય તેનો ખાર રાખી હુમલો કરાયો હતો.

બનાવ અંગે વિશાલ બાબરીયાએ ઉકત ત્રણેય શખ્સો સામે સીટી પોલીસમાં ફરીયાદ કરતા એસસીએસટી સેલના ડીવાયએસપી  એસ.એસ.મહેતાએ તપાસ હાથ ધરી છે.