Gujarati News

Gujarati News

News of Tuesday, 30th June 2020

જામનગરના જાળીયા દેવાણીમાં અડધી કલાકમાં ર ઇંચ કાલાવડ-૩, લોધીકા-પોણા બે, જામનગરમાં ૧ ઇંચ વરસાદ

સર્વત્ર વરસાદી માહોલથી વાતાવરણમાં ઠંકડ પ્રસરી : વાવણી બાદ સારા વરસાદથી ખેડૂતો રાજી

જામનગરમાં ભારે ઉકળાટ બાદ ૧ ઇંચ વરસાદ : જામનગર : શહેરમાં આજે બપોરે ભારે ઉકળાટ બાદ વરસાદનું આગમન થયું હતું. વીજળીના કડાકા-ભડાકા સાથે અનેક વિસ્તારોમાં વરસાદે મનમુકીને વરસવાનું શરૂ કરતા વાતાવરણમાં ઠંડક પ્રસરી હતી. (અહેવાલ : મુકુંદ બદિયાણી) (૯.૧૬)

રાજકોટ, તા. ૩૦ :  રાજકોટ સહિત સૌરાષ્ટ્ર-કચ્છમાં કાલે બપોરથી મેઘાવી માહોલ જામ્યો છે આવા વાતાવરણ વચ્ચે આજે બપોરના ૧ર થી ર દરમિયાન રાજકોટ સહિત સૌરાષ્ટ્ર-કચ્છમાં ઝાપટાથી ૩ ઇંચ જેટલો વરસાદ વરસ્યો છે.

જામનગર

જામનગર : જામનગરમાં આજે સવારથી અસહ્ય ઉકળાટ બાદ બપોરના સમયે મેઘરાજા મહેરબાન થયા હતા.

બપોરના ૧ર થી ર દરમિયાન કાલાવડમાં ૩ ઇંચ, જામનગરમાં ૧ ઇંચ વરસાદ પડયો હતો.

જયારે જોડિયા અને ધ્રોલમાં અડધો ઇંચ તથા લાલપુરમાં ઝાપટા પડયા હતા

ધ્રોલ અને ગ્રામ્ય વિસ્તારોમાં ધોધમાર વરસાદ વિજળીના કડાકા ભડાકા સાથે પડયો હતો.

જામનગરનાં જાળીયા દેવાણીયા અડધી કલાકમાં બે ઇંચ વરસાદ પડયો હતો.ઙ્ગ

કાલાવડ

કાલાવડઃ આજે બપોરે ૧૨ થી ૧ વાગ્યા સુધીમાં ૧  કલાકમાં કડાકા-ભડાકા સાથે ર(બે) ઇંચ વરસાદ પડયો હતો.

કાલાવડની ફુલકુ નદીમાં પુર આવેલ હતુ. ધમાકેદાર વરસાદથી ખેડુત વર્ગમાં આનંદ છવાયો હતો. કાલાવડની આજુ-બાજુના ગામોમાં પણ ૧ થી ૪ ઇંચ વરસાદ પડયો હોવાના સમાચાર મળી રહ્યા છે.

ખંભાળીયા

ખંભાળીયાઃ ખંભાળીયામાં પણ ગાજવીજ સાથે મેઘરાજા તૂટે પડયા હતા અને ખંભાળીયામાં પોણો ઇંચ, તથા દ્વારકા અને ભાણવડમાં હળવા- ભારે ઝાપટા વરસ્યા હતા.

બામણસા ઘેડ પંથકમાં પણ આજે હળવો વરસાદ વરસ્યો હતો.

રાજકોટ જિલ્લાના લોધીકામાં પોણા બે ઇંચ વરસાદ વરસ્યો હતો. જયારે ઉપલેટા, કોટડાસાંગાણી, ગોંડલ, પડધરી, રાજકોટ વિંછીયામાં ૧ર થી ર દરમિયાન ઝાપટા વરસ્યા હતા.

જયારે પોરબંદર, રાણાવાવ, કુતિયાણા, ભચાઉ શિહોર, રાપર ભાવનગર, મેંદરડા, જુનાગઢ, કેશોદ, માણાવદર, કોડીનારમાં ઝાપટાથી અડધો ઇંચ વરસાદ પડ્યો છે.

(3:56 pm IST)
  • ભારતમાં કોરોનાએ કાળોકહેર વર્તાવ્યો :છેલ્લા 24 કલાકમાં 18,339 નવા કેસ નોંધાયા : રાત્રે 12 વાગ્યા સુધીમાં દેશમાં કોરોનાના કુલ 5,67,536 કેસ: 2,15,301 એક્ટિવ કેસ :કુલ 3,35,271 દર્દીઓ રિકવર થયા :વધુ 417 લોકોના મોત સાથે કુલ મૃત્યુઆંક 16,904 થયો :મહારાષ્ટ્રમાં સૌથી વધુ નવા 5257 કેસ સાથે કુલ કેસની સંખ્યા 1,69,883 થઇ: તામિલનાડુમાં નવા 3949 કેસ :દિલ્હીમાં વધુ 2084 કેસ નોંધાયા: કર્ણાટકમાં 1105 નવા કેસ : તેલંગાણામાં નવા 975 કેસ :આંધ્ર પ્રદેશમાં વધુ 793 કેસ નોંધાયા access_time 1:08 am IST

  • કોંગ્રેસ અધ્યક્ષ સોનિયા ગાંધીનો આરોપઃ સરકારે લાભ આપવાના બદલે પ્રજાની કેડ ભાંગી નાખી પેટ્રોલ-ડીઝલમાંથી સરકારે ૧૮ લાખ કરોડની કમાણી કરી access_time 11:37 am IST

  • ટીકટોક એપના માલીકોએ વડાપ્રધાન ફંડમાં અધધધ ૩૦ કરોડ દાનમાં દીધા : ભારતમાં જેના ઉપર બાન મુકવામાં આવેલ છે તે ચાઇનીઝ શોર્ટ વીડીયો શેરીંગ ''એપ'' ટીકટોક ''પીએમ કેર્સ ફંડ''માં ૩૦ કરોડનું દાન આપેલ : ભારતના લોકો પાસે અરબો રૂપિયા ખંખેરીને access_time 3:51 pm IST