Gujarati News

Gujarati News

News of Tuesday, 30th June 2020

જુનાગઢના કલેકટર ડો. સૌરભ પારઘી ટ્વીન્સના પિતા બન્યા

જુનાગઢ તા. ૩૦ : જુનાગઢ જિલ્લા સમાહર્તા ડો. સૌરભ પારઘીને ત્યાં શુક્રવારે તેમના ધર્મપત્નીએ જુનાગઢની સિવિલ હોસ્પિટલમાં ટવીન્સને જન્મ આપ્યો હતો. જેમાં એક પુત્ર અને એક પુત્રી જન્મ લેતા પરિવારમાં ખુશી છવાઇ હતી. ગઇકાલે શ્રીમતિ પારઘીને હોસ્પિટલમાંથી રજા આપતા શ્રી સૌરભ પારઘીએ જણાવ્યું હતું કે હું ખાનગી ડોકટરો દ્વારા ડિલીવરી કરવાની રીત અને સલાહ અંગે અમુક ખોટા સમાચાર પ્રસિધ્ધ થયેલ તે અંગે સ્પષ્ટતા કરવા માંગું છું. જોડીયા બાળકોની પ્રસુતિને જોખમી હોવાને કારણે તબીબબંધુ દ્વારા સર્વસંમતિથી અમને સલાહ આપવામાં આવી હતી અને અમે જન્મ માટે સિવિલ હોસ્પિટલ પસંદ કરી અને ખાનગી સ્ત્રી રોગના ચિકીત્સકો દ્વારા આપવામાં આવેલ ટેકો ખાસ કરીને ડો. પુનમબેન કોડિનારીયા, ડો. નૈનીશ ઝાલાવાડીયા (સિવિલ)માં અમારા માટે સલામત સુખદ અનુભવ માટે મહત્વપૂર્ણ હતા અને તમામ સંભાળ સહાયતા માટે બધા ડોકટરો પેરામેડીકલ સ્ટાફ સિવિલ હોસ્પિટલ સ્ટાફનો આભાર વ્યકત કર્યો હતો.

ઉપરોકત તસ્વીરમાં ટવીન્સ બાળકો સાથે કલેકટરશ્રી સૌરભ પારઘી - શ્રીમતિ પારઘી અને ડોકટર અને હોસ્પિટલનો સ્ટાફ રજા આપવામાં આવી એ વેળાએ નજરે પડે છે. (અહેવાલ : વિનુ જોષી, તસ્વીર : મુકેશ વાઘેલા, જૂનાગઢ)

(12:51 pm IST)
  • ભારતમાં કોરોનાનો કહેર યથાવત : છેલ્લા 24 કલાકમાં 18,256 નવા કેસ નોંધાયા : રાત્રે 12 વાગ્યા સુધીમાં દેશમાં કોરોનાના કુલ 5,85,792 કેસ: 2,20,480 એક્ટિવ કેસ :કુલ 3,47,836 દર્દીઓ રિકવર થયા :વધુ 506 લોકોના મોત સાથે કુલ મૃત્યુઆંક 17,410 થયો :મહારાષ્ટ્રમાં સૌથી વધુ નવા 4878 કેસ સાથે કુલ કેસની સંખ્યા 1,74,761 થઇ: તામિલનાડુમાં નવા 3943 કેસ :દિલ્હીમાં વધુ 2199 કેસ નોંધાયા: કર્ણાટકમાં 947 નવા કેસ : તેલંગાણામાં નવા 945 કેસ :આંધ્ર પ્રદેશમાં વધુ 704 કેસ નોંધાયા access_time 12:59 am IST

  • વસવાટ હોય તેવી સુપર-પૃથ્વીની શોધ : ૧૧ અબજ પ્રકાશ વર્ષ દુર આવેલ ''સુપર-પૃથ્વીઓ''ની વૈજ્ઞાનિકોએ શોધ કરી છે, જયાં વસવાટ હોવાની શકયતા access_time 3:53 pm IST

  • વલસાડના કપરાડા તાલુકામાં ભારે વરસાદ: ગુજરાત મહારાષ્ટ્રની બોર્ડર પર આવેલા ગામોમાં ભારે વરસાદ: કપરાડાના દિક્ષલ, ઘોટાન, ફલી, સુથારપાડામાં વરસાદ : વાવર,બરપૂડા અને આસપાસના વિસ્તારમાં વરસાદ : મહારાષ્ટ્ર અને ગુજરાત બોર્ડર ગાજવીજ સાથે વરસાદ access_time 9:38 pm IST