Gujarati News

Gujarati News

News of Tuesday, 30th June 2020

જુનાગઢમાં ૩૦ દિવસમાં કોરોનાથી એક સ્ત્રી અને બે પુરૂષના મૃત્યુ

કુલ ૮૩ કેસમાં જુનાગઢના ૪૧ પોઝિટીવ કેસ

જુનાગઢ, તા. ૩૦ :  જુનાગઢમાં ૩૦ દિવસમાં કોરોનાથી એક સ્ત્રી અને બે પુરૂષનાં મૃત્યુ થતા સમગ્ર શહેરી વિસ્તારમાં અરેરાટી પ્રસરી ગઇ છે.

જુનાગઢ જિલ્લામાં પાંચ મેના રોજ કોરોનાએ ભેંસાણ ખાતેથી એન્ટ્રી કરી હતી. ભેંસાણ સીએચસીના ડોકટર અને પ્યુનનો રિપોર્ટ સૌ પ્રથમ પોઝિટીવ આવ્યા બાદ કોરોનાનાં કેસ સતત વધી રહ્યા છે અને અત્યારે કોરોનાના કુલ કેસ વધીને ૮૩ થઇ ગયા છે.

જેમાં ત્રણ કોરોનાનાં દર્દીના મૃત્યુ થયા છે પ૧ દર્દીને ડિસ્ચાર્જ કરવામાં આવેલ છે. હાલ ૩૦ કેસ એકટીવ છે.

ત્રણ કોરોના દર્દીના મોત જુનાગઢ સીટીનાં જ છે જુનાગઢમાં ૧૦ મેના રોજ કોરોનાએ પગ પેસારો કરેલ અને ગઇકાલની સ્થિતિ જુનાગઢમાં કુલ પોઝિટીવ કેસ ૪૧ થયા છે.

૪૧ કેસમાં ત્રણ દર્દીને કોરોનાએ ભોગ લીધો છે જુનાગઢમાં કોરોના દર્દીનું પ્રથમ મોત ગત તા. ૧લી જુનનાં રોજ થયેલ. ગત તા. ર૭ જુનનાં રોજ પ૧ વર્ષીય પુરૂષે અંતિમશ્વાસ લીધા હતા અને ગઇકાલે જુનાગઢનાં ૬ર વર્ષીય વૃધ્ધનું કોરોનાની મોત થતા કુલ મૃતાંક ત્રણ થયો છે.

આમ ૩૦ દિવસમાં જુનાગઢમાં ત્રણ કોરોના દર્દીના મૃત્યુ થતા લોકોમાં ફફડાટ સાથે અરેરાટી વ્યાપી ગઇ છે.

(12:49 pm IST)
  • રાજસ્થાનને લાગુ વિસ્તારમાં ચીન દ્વારા યુધ્ધાભ્યાસની તૈયારી ભારત-પાકિસ્તાન સરહદે ચીન એરફોર્સ સક્રિય : રાજસ્થાન સાથેની પાકિસ્તાની સરહદે ચીનની પીપલ્સ લીબરેશન આર્મી એરફોર્સ તેની ગતિવિધી વધારી દીધી છે. ભારત વિરૂધ્ધ સાજીસનો પર્દાફાશઃ પાકિસ્તાન કબ્જાગ્રસ્ત કાશ્મીરમાં ચીની વિમાનો દેખાયા પછી રાજસ્થાન સાથેની પાકિસ્તાની સરહદ ઉપર પણ સક્રિયતા વધી છે. આર્થીક રોકાણની આડમાં ચીન હવે પાકિસ્તાનમાં યુધ્ધાભ્યાસની તૈયારીમાં હોવાનું બહાર આવ્યું છે. access_time 3:51 pm IST

  • બિહારમાં નદીઓ ગાંડી તૂર : ભય સપાટીથી ઉપર વહી રહી છેઃ ઉત્તરના મોટાભાગના જિલ્લામાં પૂરની સ્થિતિઃ કોસી નદીની પાણી બ્રીજની લગોલગઃ ૨ જુલાઈ સુધી ભારે વરસાદ ચાલુ રહેવાની ચેતવણીઃ કોસી- બાગમતી- કમલા બલાન અને મહેનંદા ભય સપાટીથી ઉપર ગાંડીતૂર બની વહી રહી છેઃ મુઝફરપુર, કટીહાર, પુર્નીઆ, મધુબની- સતામઢીમાં ઝાંઝપુરમાં અનેક વિસ્તારો પાણીમાં ડૂબ્યાઃ ગંગા નદીની સપાટી વધી રહી છેઃ એનડીઆરએફ અને એસડીઆરએફની ૨૭ ટીમો કામે લાગી access_time 3:49 pm IST

  • ભારતમાં કોરોનાનો કહેર યથાવત : છેલ્લા 24 કલાકમાં 18,256 નવા કેસ નોંધાયા : રાત્રે 12 વાગ્યા સુધીમાં દેશમાં કોરોનાના કુલ 5,85,792 કેસ: 2,20,480 એક્ટિવ કેસ :કુલ 3,47,836 દર્દીઓ રિકવર થયા :વધુ 506 લોકોના મોત સાથે કુલ મૃત્યુઆંક 17,410 થયો :મહારાષ્ટ્રમાં સૌથી વધુ નવા 4878 કેસ સાથે કુલ કેસની સંખ્યા 1,74,761 થઇ: તામિલનાડુમાં નવા 3943 કેસ :દિલ્હીમાં વધુ 2199 કેસ નોંધાયા: કર્ણાટકમાં 947 નવા કેસ : તેલંગાણામાં નવા 945 કેસ :આંધ્ર પ્રદેશમાં વધુ 704 કેસ નોંધાયા access_time 12:59 am IST