Gujarati News

Gujarati News

News of Tuesday, 30th June 2020

મોડીસાંજે ખનીજ ચોરી મામલે ખાવડામાં પોલીસ પર હુમલો :પીએસઆઇ સહિત ચાર પોલીસ કર્મીને ઈજાઓ

રેતી ભરેલું ટ્રેકટર પોલીસે અટકાવતાં ઘર્ષણ: પોલીસ ઉપર પથ્થરમારો : ડીએસપી,ડીવાયએસપી સહીત પોલીસનો કાફલો પહોંચ્યો

ભુજ: કચ્છમાં ખનીજ ચોરી મામલે પોલીસની કડક કાર્યવાહી વચ્ચે આજે ખાવડા નજીક પોલીસ અને ખનીજ ચોરી કરી રહેલા તત્વો વચ્ચે ઘર્ષણ થયું હતું. આ બનાવ આજે મોડી સાંજે ખાવડા પાસે આવેલા જુણા ગામ પાસે બન્યો હતો. જેમાં રેતી ભરેલું ટ્રેકટર પોલીસે અટકાવતાં ઘર્ષણ થયું હતું અને એકઠા થઈ ગયેલા ટોળાએ પોલીસ ઉપર પથ્થરમારો કર્યો હતો. જેમાં ખાવડા પીએસઆઇ જાડેજા સહિત ચાર પોલીસ કર્મીઓ ઘવાયા હતા.

  પોલીસ ટીમ ઉપર હુમલાના આ બનાવની જાણ થતાં જ ડીએસપી સૌરભ તોલંબિયા, ડીવાયએસપી જયેશ પંચાલ સહિત પોલીસ ટીમ ત્યાં ધસી ગઈ છે. ઇજાગ્રસ્ત પોલીસ કર્મીઓને ભુજ હોસ્પિટલમાં ખસેડવાની તજવીજ હાથ ધરાઈ છે.

(10:35 pm IST)
  • મોટી કંપનીનું વિમાન રન-વેથી સ્લીપ થઇ ગયું ? : દેશના મોટા કોર્પોરેટ હાઉસનું ખાનગી વિમાન પરમ દિવસે હૈદ્રાબાદ એરપોર્ટ ઉપર રન-વેની બહાર ચાલ્યુ ગયાના અહેવાલો મળે છે. પાંખો અને લેન્ડીંગ ગીયર ડેમેજ થયાનું ન્યુઝ ફર્સ્ટ નોંધે છે. જો કે વિમાનમાં બેઠેલાઓ અને મુસાફરો સલામત છે. વિગતો મેળવાઇ રહી છે. access_time 3:51 pm IST

  • રાજયમાં ૧૨ વાગ્યા સુધીમાં ૧૦૨ તાલુકામાંં વરસાદ : વેરાવળમાં ૨ ઇંચ, મોડાસામાં ૨ ઇંચ, મેંદરડામાં ૨ ઇંચ, સુત્રાપાડા ૨ ઇંચ, બેચરાજીમાં ૨ ઇંચ, ઘોઘામાં પોણા ૨ ઇંચ, જેસરમાં પોણા ૨ ઇંચ, મહેસાણામાં દોઢ ઇંચ, માળીયામાં દોઢ ઇંચ, ધ્રોલમાં દોઢ ઇંચ, લીલીયામાં સવા ઇંચ, હારીજમાં સવા ઇંચ, વિસાવદરમાં સવા ઇંચ, કોટડા સાંગાણીમાં સવા ઇંચ, સરસ્વતીમાં ૧ ઇંચ, માલપુરમાં ૧ ઇંચ, પાલીતાણામાં ૧ ઇંચ, લાઠીમાં ૧ ઇંચ ખાબકયો વરસાદઃ access_time 3:04 pm IST

  • બિહારમાં ફરી આકાશી આફત : વીજળી પડવાથી 11 લોકોના મોત:ગત સપ્તાહે જ 23 જિલ્લામાં 83 લોકોના થયા હતા મોત access_time 11:11 pm IST