Gujarati News

Gujarati News

News of Wednesday, 30th May 2018

જુનાગઢ કોર્પોરેશને ૩ ગૌશાળાને સોંપેલી ૬૦૦ ગાયમાતાના મોત માટે જવાબદાર કોણ ?

તોરણીયાની ગૌશાળામાં વધુ એક ગૌમાતાનું મોત

 જુનાગઢ તા.૩૦: જુનાગઢ કોર્પોરેશને ૩ ગૌશાળાને સોંપેલી ૬૦૦ ગાય માતાના કરૂણ મોત માટે જવાબદાર કોણ ? તેવો સવાલ ગૌ પ્રેમીઓમાંથી ઉઠવા પામ્યો છે.

જુનાગઢ મહાનગર પાલિકા દ્વારા ગૌશાળામાં મોકલવામાં આવેલ ગૌવંશના ટપોટપ મોત થઇ રહયા છે. મનપાએ ત્રણ ગૌશાળાને સોંપેલી હોય એવી ૬૦૦થી વધુ ગાયમાતા મોતને ભેટી છે.

આ પ્રમાણેની ઘોર બેદરકારી માટે જવાબદાર કોણ ? અને હવે તબેલામાંથી ઘોડા નાસી છુટયા બાદ મનપા તંત્રએ તબેલા પર બે માણસોનો પહેરો ગોઠવ્યો છે.  દર મ્યાન જુનાગઢના તોરણીયા ખાતેની ગૌશાળામાં વધુ એક ગાય માતા મોતને શરણ થયા હોવાનું જાણવા મળેલ છે.

 આમ ગૌકાંડમાં છેલ્લા ૧૩ દિવસમાં ગૌશાળામાં ૧૯ પશુના મોત થયાનું જણાયું છે.ગૌ માતાનો મોતનો સિલસિલો સત્વરે અટકે તે માટે મનપા તંત્રએ તાત્કાલીક અસરથી નક્કર કાર્યવાહી કરવી જોઇએ તેવી માંગણી ગૌપ્રેમીઓમાંથી ઉઠી છે.

(3:56 pm IST)
  • આજે કર્ણાટક ચૂંટણીના ૧૬ દિવસ બાદ પહેલી વખત પેટ્રોલ અને ડીઝલની કિંમતોમાં ઘટાડો આવ્યો : દેશભરમાં આશરે પેટ્રોલમાં ૬૦ પૈસા અને ડીઝલમાં 56 પૈસા પ્રતિ લીટર નો ભાવ ઘટાડો થયો છે. access_time 9:06 am IST

  • કૈરાના,ભંડાર-ગોંદિયા અને નાગાલેન્ડના 123 બુથો પર મતદાન :યુપીના કૈરાના અને મહારાષ્ટ્રના ભંડારા ગોંદિયા અને નાગાલેન્ડની એક લોકસભા સીટ પર આજે બુધવારે મતદાન ;આ બેઠક પર 28મીએ પેટ ચૂંટણી કરાવાય હતી પરંતુ ત્રણ સીટના કેટલાક બુથ પર મતદાન થશે access_time 1:19 am IST

  • હિલ સ્ટેશન સિમલામાં અભૂતપૂર્વ પાણીની સમસ્યા :છેલ્લા કેટલાય દિવસોથી આંદોલન કરતા લોકો ફરી રસ્તામાં ઉતર્યા :પાણીની તંગીને કારણે 30 રેસ્ટોરન્ટ બંધ :નપા અને સરકાર વિરુદ્ધ વિરોધ પ્રદર્શન ; રાજ્યપાલને આવેદનપત્ર પાઠવ્યું :નળને બદલે ટેંકરોથી પાણીનું વિતરણ :કાળાબજારી અને તંત્રની બેદરકારી સામે લોક રોષ access_time 1:38 am IST