Gujarati News

Gujarati News

News of Wednesday, 30th May 2018

રણ વિસ્તારમાં અગરિયા માટે પીવાનું પાણી મૃગજળ સમાન

પાણીની શોધમાં ભટકતી અગરિયા પરિવારની મહિલાઓ તથા ઘુડખર. (તસ્વીર - અહેવાલ : ફઝલ ચૌહાણ, સુરેન્દ્રનગર)

વઢવાણ તા.૩૦: સુરેન્દ્રનગર જિલ્લાનો રણવિસ્તાર જયા ગરમીનો હાહાકાર સર્જાયો છે ત્યારે જિલ્લાનું સૌથી વધુ ગરમ શહેર રણ વિસ્તાર છે જયા આ રણમાં અંદાજે ૩ હજાર જેટલા અગરીયાઓના પરિવાર કાળી મજૂરી કરી રણમાં સફેદ મીઠુ પકાવાનું કામ આવી કાળઝાળ ગરમીમાં પણ કરી રહ્યા છે.

રણમાં ઝુપડુ બાંધીને વર્ષોથી રણમાં અગરીયાઓના પરિવારજનો પરંપરાગત રીતે મીઠુ પકવતા. આ ગરીબ અને પછાત અગરીયાઓના પરિવારજનોને પાણી માટે મોટામાં મોટી મુશીબત સર્જાઇ છે. આ પરિવારોને પાણી પુરવઠા વિભાગ દ્વારા ટેન્કરો દ્વારા પીવાના પાણી પહોચાડવા માટેની વ્યવસ્થા કરવામાં આવેલ છે. પરંતુ આ અગરીયાઓના ઝુંપડામાં ૨૦-૨૦ દિવસે એક વાર પાણીનું ટેન્કર આવતું હોવાથી અગરીયાઓને રણમાં પીવાના પાણીના એક એક બુંદ માટે વલખા મારવા પડે છે.

બીજી બાજુ રણ સિવાય વિશ્વમાં કયાય પણ ન જોવા મળતા દુર્લભ ઘુડખર માટે સન ૧૯૭૩ માં ૪૯૭૪ ચો.કીમી. વિસ્તારને ઘુડખર અભ્યારણ વિસ્તાર તરીકે ઘોષીત કરવામાં આવ્યો છે.

અભ્યારણ્ય વિસ્તારમાં ઘુડખરોની સંખ્યા છેલ્લા સમયમાં કરાયેલ ગણતરી મુજબ ૪૪૫૧ સુધી આ ઘુડખરની વસ્તી પહોચી ગઇ છે. પરંતુ આ રણમાં ખુશ્બુ ગુજરાત કી પ્રવાસન નિગમ દ્વારા પ્રચાર પ્રસાર સાથે આ ખુશ્બુ સ્વાદમાં રસોઇ સાથે સુગંધ ભેળવનારા અગરીયા અને પ્રવાસના સમયમાં ગુજરાત કી ખુશ્બુ સમાન ઘુડખરની હાલત ઝાંઝવાના નીરએ મૃગજળ સમાન બનતા મુશીબતમાં મુકાયા છે.

(12:14 pm IST)
  • અફઘાનમાં અમેરિકી સેના ત્રાટકી : પ૦ તાલીબાનીના ફૂરચા : ગાઝાએ ઇઝરાઇલ પર રપ થી વધારે મિસાઇલો દાગી હોવાના સમાચાર મળે છે : ઇઝરાયલ બદલો લેશે access_time 4:34 pm IST

  • સુરત બીટકોઈન કૌભાંડ મામલો : શૈલેષ ભટ્ટના ભાણેજ, નિકુંજ ભટ્ટ પાસેથી CID ક્રાઇમે 55 લાખ ની કિંમતના વધુ 11 બીટકોઈન રિકવર કર્યા. અત્યાર સુધી સીઆઇડી ક્રાઇમે 160થી વધુ બિટકોઇન રિકવર કર્યા છે, જેની અંદાજી કુલ કિંમત રૂ. 9 કરોડ અંકાય છે. access_time 5:37 am IST

  • આજથી સરકારી બેંકના આશરે 10 લાખ બેન્ક કર્મચારીઓ હડતાળ પર જશે : બે દિવસ માટે સરકારી બેન્કિંગ સેવાઓ ઠપ્પ થઈ જશે : બેંક સંઘે 5મી મે ના રોજ બેઠકમાં બેંક કર્મચારીઓ માટે બે ટકાના પગાર વૃદ્ધિની ભલામણને ફગાવી દેતાં આ હડતાલ પર જવાનો બેંક કર્મીઓના યુનિયને નિર્ણય કર્યો છે access_time 5:38 am IST