Gujarati News

Gujarati News

News of Wednesday, 30th May 2018

ગરમીમાં રાહત પરંતુ સૌરાષ્ટ્ર-કચ્છમાં બફારો વધ્યો

મહત્તમ તાપમાનનો પારો એકથી બે ડીગ્રી નીચે ઉતર્યો : પવનનું પ્રમાણ વધ્યું

રૂમઝૂમ કરતું આગળ વધતુ ચોમાસુ : રાજકોટ : દક્ષિણ પશ્ચિમ ચોમાસુ કેરળ પહોંચ્યા બાદ આગળ વધી રહ્યુ છે. અમદાવાદમાં ૭મી જૂન આસપાસ પ્રિમોન્સૂનની શકયતા છે. જયારે સૌરાષ્ટ્ર - ગુજરાતમાં ૧૪-૧૫ જૂનના ચોમાસુ એન્ટ્રી કરે તેવી સંભાવના છે.

રાજકોટ, તા. ૩૦ : રાજકોટ સહિત સૌરાષ્ટ્ર-કચ્છમાં સર્વત્ર ધોમધખતો તાપ યથાવત છે અને લોકો ગરમીથી આકુળ-વ્યાકુળ થઇ ગયા છે. આખો દિવસ મહત્તમ તાપમાનનો પારો ઉંચે ચડી જતા લોકો ત્રાહીમામ પોકારી ગયા છે. ત્યારે મહત્તમ તાપમાન સડસડાટ ઉંચે જતુ રહે છે અને મહત્તમ તાપમાન ૪૪ ડીગ્રી નજીક પહોંચી જાય છે.

આવા વાતાવરણ વચ્ચે ગરમીમાં રાહત થઇ છે, પરંતુ રાજકોટ સહિત સૌરાષ્ટ્ર-કચ્છમાં બફારામાં વધારો થયો છે. મહત્તમ તાપમાનનો પારો એકથી બે ડીગ્રી નીચે ઉતર્યો છે અને પવનનું પ્રમાણ પણ વધ્યું છે.

ગઇકાલે સુરેન્દ્રનગર-૪૩.પ ડીગ્રી, અમદાવાદ-૪૩.ર ડીગ્રી, ગાંધીનગર-૪ર.પ ડીગ્રી, ડીસ-૪ર.૩, રાજકોટ-૪ર.૦ ડીગ્રી, ભાવનગર-૪૧.૧ડીગ્રી, વલ્લભ વિદ્યાનગર-૪૦.૯ ડીગ્રી, અમરેલી-૪૦.૪ ડીગ્રી, કંડલા એરપોર્ટ-૩૯.૬ ડીગ્રી, મહુવા-૩૬.૪ ડીગ્રી, પોરબંદર-૩૪.૬ ડીગ્રી, વેરાવળ-૩૪.૪ અને દ્વારકામાં ૩૧.૯ ડીગ્રી તાપમાન નોંધાયું હતું.

જામનગર

જામનગર : શહેરનું તાપમાન ૪૦ મહત્તમ, ર૮ લઘુત્તમ, ૮પ ટકા વાતાવરણમાં ભેજનું પ્રમાણ, ૧૮.પ૪ કિ.મી. પ્રતિ કલાક પવનની ઝડપ રહી હતી.

(12:00 pm IST)
  • સુરત બીટકોઈન કૌભાંડ મામલો : શૈલેષ ભટ્ટના ભાણેજ, નિકુંજ ભટ્ટ પાસેથી CID ક્રાઇમે 55 લાખ ની કિંમતના વધુ 11 બીટકોઈન રિકવર કર્યા. અત્યાર સુધી સીઆઇડી ક્રાઇમે 160થી વધુ બિટકોઇન રિકવર કર્યા છે, જેની અંદાજી કુલ કિંમત રૂ. 9 કરોડ અંકાય છે. access_time 5:37 am IST

  • બ્રિટન સમક્ષ ભારતે ઉઠાવ્યો વિજય માલ્યા ,લલિત મોદી અને નીરવ મોદીનો મામલો;માલ્યા અને લલિત મોદીના પ્રત્યાર્પણમાં ઝડપ લાવવા જણાવ્યું :બંને દેશો વચ્ચે ગૃહમંત્રાલય સ્તરીય સંવાદમાં ભારતે નીરવ મોદીની શોધ માટે પણ બ્રિટનના સહયોગની અપીલ કરી access_time 1:48 am IST

  • હિલ સ્ટેશન સિમલામાં અભૂતપૂર્વ પાણીની સમસ્યા :છેલ્લા કેટલાય દિવસોથી આંદોલન કરતા લોકો ફરી રસ્તામાં ઉતર્યા :પાણીની તંગીને કારણે 30 રેસ્ટોરન્ટ બંધ :નપા અને સરકાર વિરુદ્ધ વિરોધ પ્રદર્શન ; રાજ્યપાલને આવેદનપત્ર પાઠવ્યું :નળને બદલે ટેંકરોથી પાણીનું વિતરણ :કાળાબજારી અને તંત્રની બેદરકારી સામે લોક રોષ access_time 1:38 am IST