Gujarati News

મોરબીમાં કોરોના મહામારીને પગલે જન્મ અને મરણ પ્રમાણપત્ર નોંધણી માટેની સમયમાં વધારો કરવામાં આવે તેમજ મોરબીમાં મેડીકલ કોલેજ બનાવવા મામલે મોરબી જીલ્લા પંચાયત પ્રમુખ અને ઉપપ્રમુખે ઉચ્ચ કક્ષાએ રજૂઆત કરી છે
મોરબી જીલ્લા પંચાયતના પ્રમુખ ચંદુલાલ શિહોરા અને ઉપપ્રમુખ જાનકીબેન જીગ્નેશભાઈ કૈલાએ રાજ્યના નાયબ મુખ્યમંત્રીને પત્ર લખી જણાવ્યું છે કે સરકારના નિયમ અનુસાર જન્મ અને મરણ થયાના કિસ્સામાં એક માસ અંદર નોંધણી કરાવી સંબંધિત કચેરીએ પ્રમાણપત્ર મેળવી લેવાનું હોય છે બાદમાં મોડી માહિતી આપવામાં આવે તો જન્મ અથવા મરણ ના ઠરાવેલા સતાધિકારીની લેખિત પરવાનગી તેમજ ફી ભરી નોટરી પબ્લિક અથવા રાજ્ય સરકારે અધિકૃત કરેલ અધિકારીનું સોગંધનામું રજુ કરવામાં આવે તેવો નિયમ છે હાલ કોરોનાને પગલે દર્દીને ૧૪ દિવસ હોમ આઈસોલેટ રહેવું પડે છે તેમજ મૃત્યુ થાય તો પરિવારમાં શોકની લાગણી હોય છે અને બહાર નીકળાતું ના હોય જેથી જન્મ અને મરણના ૩૦ દિવસમાં નોંધણીના નિયમને લંબાવી ૯૦ દિવસ કરવામાં આવે તેવી માંગ કર છે
તે ઉપરાંત મેડીકલ કોલેજ અંગે માંગ કરવામાં આવી છે જેમાં જણાવ્યું છે કે મોરબી જીલ્લામાં મેડીકલ કોલેજ બનાવવા અંગે મહત્વની જાહેરાત કરવામાં આવી છે જે માટે જમીન પણ ફાળવી દેવાઈ છે તો હાલની સ્થિતિને ધ્યાને લઈને મોરબી જીલ્લામાં તાત્કાલિક મેડીકલ કોલેજનું કામ શરુ કરવામાં આવે તેવી માંગ કરી છે