Gujarati News

Gujarati News

News of Monday, 30th March 2020

મોરબીમાં કોરોના ઇમરજન્સી ઓપરેશન સેન્ટરમાં ફરજ પર ગેરહાજર કર્મચારીને શો કોઝ નોટિસ

કોરોનાની મહામારી દરમિયાન ફરજ ચૂકેલા કર્મચારી સામે કડક કાર્યવાહીનો પ્રથમ કિસ્સો

મોરબી : મોરબીમાં કોરોના સંબંધી બાબતો વિશે કાર્યવાહી માટે જિલ્લા કક્ષાનું ઇમરજન્સી ઓપરેશન સેન્ટર કાર્યરત કરાયું છે તેમાં ગેરહાજર રહેતા કર્મચારીને શો કોઝ નોટિસ આપી છે વધુમાં તેને ખુલાસા માટે જિલ્લા કલેકટર સમક્ષ હાજર રહેવાનું ફરમાન પણ કરવામાં આવ્યું છે.

 મોરબીમાં કોરોનાના પગલે સરકારની સૂચના મુજબ કલેકટર દ્વારા જિલ્લા કક્ષાનું ઇમરજન્સી ઓપરેશન સેન્ટર શરૂ કરાવવામાં આવ્યુ છે. જેમાં તા.27ના રોજ દરરોજ રાત્રીના 10 કલાકથી સવારના 7 સુધી જિલ્લા શિક્ષણાધિકારી કચેરીના વર્ગ-3ના કર્મચારી એમ.વી.મકવાણાને ફરજ સોંપવામાં આવી હતી. પરંતુ તા.29ના રોજ તેઓ રાત્રે 10 કલાકે હાજર ન રહેતા તેઓને 10:15 કલાકે ફોન કરવામાં આવ્યો હતો. જ્યારે તેઓ રાજકોટ હોવાનું કહ્યું હતું

 તેઓ કલેકટરના હુકમથી સોપાયેલ ફરજ પર ગેરહાજર રહ્યા હોય તેઓની સામે ફરજમોકૂફીના પગલાં સાથો સાથ તેઓ સામે ફોજદારી ફરિયાદ દાખલ કરવાના પગલા કેમ ના લેવા તે અંગે શો કોઝ નોટિસ આપવામાં આવી છે. વધુમાં તેઓને આ બધા હુકમ શા માટે ઇસ્યુ ન કરવા તે માટે જિલ્લા કલેકટર સમક્ષ ઉપસ્થિત રહેવા માટે નોટિસ પણ આપવામાં આવી હોવાનું જાણવા મળ્યું છે.

(9:37 pm IST)
  • બ્રાઝિલમાં કોરોનાગ્રસ્તને સપોર્ટ કરતા કેમ્પેનને ફૂટબોલર નેમારે આપ્યો ટેકો access_time 3:33 pm IST

  • દક્ષિણ દિલ્હીના નિઝામુદીનના તબલીગી જમાતથી દેશભરમાં પ્રસર્યો કોરોના : છેલ્લા 24 કલાકમાં 227 નવા કેસ નોંધાયા :રાજધાની દિલ્હીમાં રવિવારે છ અને આજે 18 પોઝિટિવ કેસ વધ્યા :માર્કંજમાં સામેલ થવા આવેલ 100થી વધુ લોકો વિદેશી હતા : બાંગ્લાદેશ, શ્રીલંકા, અફઘાનિસ્તાન, મલેશિયા, સાઉદી અરેબિયા ,ઈંગ્લેંડ અને ચીનથી સામેલ થયા હતા access_time 1:10 am IST

  • ઘરની બહાર નીકળનારા સાવધાન : લોકડાઉનનો ભંગ કરનારા હવે બચી નહિ શકે : ડ્રોન કેમેરાની વોચથી જામનગર જિલ્લામાં કેસ નોંધવા શરૂ : એલસીબી પોલીસે સાત શખ્શો વિરુદ્ધ નોંધ્યો ગુન્હો access_time 1:02 am IST